വയനാട്: മഴ കനത്തതോടെ വയനാട്ടിലെ ബാണാസുര സാഗര് അണക്കെട്ടിന്റെ ഷട്ടര് തുറന്നു. അണക്കെട്ടിന്റെ സംഭരണശേഷി 773.50 മീറ്ററില് എത്തിയതോടെയാണ് ഷട്ടറുകള് തുറന്നത്. സെക്കന്ഡില് 8.5 ക്യൂബിക് മീറ്റര് ജലമാണ് അണക്കെട്ടില് നിന്നും പുറത്തേക്ക് ഒഴുക്കുന്നത്.
ഡാം തുറന്ന സാഹചര്യത്തില് പ്രദേശവാസികളും പുഴയോരത്തും താഴ്ന്ന പ്രദേശങ്ങളിലും താമസിക്കുന്നവരും ജാഗ്രത പാലിക്കണമെന്ന് ജില്ലാ കളക്ടര് അറിയിച്ചു.
അടിയന്തര സാഹചര്യങ്ങളില് മുന്കരുതലുകളെടുക്കാന് അധികൃതര്ക്ക് ജില്ലാ കളക്ടര് നിര്ദ്ദേശം നല്കിയിട്ടുണ്ട്.