മുനമ്പം സമരം ഒറ്റയ്ക്കു മുന്നോട്ടു കൊണ്ടുപോകാന്‍ ബി.ജെ.പി. വഖഫ് രജിസ്ട്രിയില്‍ നിന്നു മുനമ്പത്തെ ഭൂമി പൂര്‍ണമായും ഒഴിവാക്കുകയും നിയമനടപടിയിലൂടെ തീര്‍പ്പുണ്ടാക്കുകയും ചെയ്യാതെ സമരം അവസാനിപ്പിക്കേണ്ടെന്നു ബി.ജെ.പിയെ പിന്തുണയ്ക്കുന്നവര്‍. കൂടുതല്‍ പേര്‍ ബി.ജെ.പി നിലപടിനെ അനുകൂലിച്ച് രംഗത്ത്

കോട്ടയം: മുനമ്പം സമരം ഒറ്റയ്ക്കു മുന്നോട്ടു കൊണ്ടുപോകാന്‍ ബി.ജെ.പി. സമരസമിതിയുടെ ഭാഗമായി പ്രവര്‍ത്തിച്ച ബി.ജെ.പി. അനുകൂലികളാണു സമരം അവസാനിപ്പിക്കേണ്ടെന്ന നിലപാട് എടുത്ത്.

മുനമ്പം വിഷയത്തില്‍ വഖഫ് സംരക്ഷണ സമിതി കേരള ഹൈക്കോടതി ഡിവിഷന്‍ ബെഞ്ചിന്റെ ഉത്തരവിനെതിരെ സുപ്രീം കോടതിയില്‍ ഫയല്‍ ചെയ്ത അപ്പീലില്‍ ഫയല്‍ ചെയ്തിട്ടുണ്ട്. ഇതില്‍ വിധി വരാനിരിക്കേ സമരം അവസാനിപ്പിക്കേണ്ടെന്ന നിലപാടിലാണു ബി.ജെ.പിയെ അനുകൂലിക്കുന്നവര്‍.

 ഒക്ടോബര്‍ 19-ന് മുനമ്പം വഖഫ് ഭൂമി അല്ലെന്നു ഹൈക്കോടതി വിധി വന്നിട്ട് ഇത്രയും ദിവസം വസ്തു പോക്കുവരവു ചെയ്യാതെ വെച്ചുകൊണ്ടിരിക്കുകയായിരുന്നു. ഏതാനും ദിവസം മുതല്‍ താല്‍ക്കാലികമായി ടാക്‌സ് സ്വീകരിക്കാന്‍ സമ്മതിക്കുന്നുത്. സര്‍ക്കാര്‍ കാട്ടിയ അലംഭാവം ആ കേസിനു സ്റ്റേ കിട്ടും എന്നു സര്‍ക്കാര്‍ വിചാരിക്കുന്നതുകൊണ്ടാണ്. സര്‍ക്കാര്‍ അതിന് ഒത്തുകളിക്കുകയാണെന്നും ബി.ജെ.പി ആരോപിക്കുന്നു.

വഖഫ് സംരക്ഷണ സമിതി കേരള ഹൈക്കോടതി ഡിവിഷന്‍ ബെഞ്ചിന്റെ ഉത്തരവിനെതിരെ സുപ്രീം കോടതിയില്‍ ഫയല്‍ ചെയ്ത അപ്പീലില്‍ കേന്ദ്രസര്‍ക്കാര്‍ കക്ഷി ചേരണമെന്നു ബി.ജെ.പി സംഘടന ഘടകം ആവശ്യം ഉന്നയിക്കുകയും ചെയ്തിരുന്നു. കേന്ദ്ര സര്‍ക്കാര്‍ കക്ഷി ചേരുന്നതു മുമ്പം ജനതയ്ക്കു അനുകൂലമായി മാറുമെന്നു ബി.ജെ.പി നേതാക്കള്‍ പറയുന്നു. മുനമ്പത്തെ ജനങ്ങള്‍ ഇനിയും കോടതി കയറേണ്ട അവസ്ഥ ഉണ്ടാകരുതെന്നാണ് ബി.ജെ.പിയുടെ നിലപാട്.

അതേസമയം, 414 ദിവസമായി തുടരുന്ന മുനമ്പം ഭൂസംരക്ഷണ സമിതിയുടെ സമരം അവസാനിപ്പിക്കുന്നതിനിടെ സമരവേദിയില്‍ നാടകീയ രംഗങ്ങളാണ് അരങ്ങേറിയത്. ഭൂരിപക്ഷം സമരസമിതി അംഗങ്ങള്‍ സര്‍ക്കാര്‍ ഉറപ്പുകളില്‍ വിശ്വാസമര്‍പ്പിച്ച് സമരം അവസാനിപ്പിക്കാന്‍ തീരുമാനിച്ചപ്പോള്‍, സമരം അവസാനിപ്പിക്കുന്നത് വഞ്ചനയാണെന്ന് ആരോപിച്ച് ബി.ജെ.പി. അനുകൂലികളായ നാട്ടുകാര്‍ പുതിയ സമരപ്പന്തലിലേക്കു മാറുകലായിരുന്നു.  

വഖഫ് രജിസ്ട്രിയില്‍ നിന്നു മുനമ്പത്തെ ഭൂമി പൂര്‍ണമായും ഒഴിവാക്കുകയും നിയമനടപടിയിലൂടെ തീര്‍പ്പുണ്ടാക്കുകയും ചെയ്യാതെ സമരം അവസാനിപ്പിക്കുന്നതാണു പ്രതിഷേധത്തിനു കാരണം. ഭൂമി പ്രശ്‌നത്തിന് ശാശ്വത പരിഹാരം ഉണ്ടാകും വരെ സമരം തുടരുമെന്ന് ഇവര്‍ പ്രഖ്യാപിച്ചു. പള്ളിക്ക് പുറത്ത് ഒരുക്കിയ പുതിയ സമരപ്പന്തലില്‍ ഇവര്‍ നിലവില്‍ സമരം തുടങ്ങിയിട്ടുണ്ട്. നിരവധി ബി.ജെ.പിക്കു പിന്തുണ നല്‍കുന്നുണ്ട്.

സമരസമിതി നേതൃത്വം സംസ്ഥാന സര്‍ക്കാരിനോട് അടുക്കുന്നുവെന്നു വ്യക്തമായതോടെയാണു സമരസമിതിയിലെ ബി.ജെ.പി. അനുകൂലികള്‍ അതൃപ്തി പരസ്യമാക്കിയത്. വഖഫ് ബോര്‍ഡിന്റെ ലാന്‍ഡ് രജിസ്ട്രിയില്‍ നിന്ന് 615 കുടുംബങ്ങളുടെ ഭൂമി പൂര്‍ണമായും ഒഴിവാക്കുന്നത് വരെ സമരവുമായി മുന്നോട്ടുപോകുമെന്നാണ് ഇവര്‍ വ്യക്തമാക്കുന്നത്.

 റവന്യൂ മന്ത്രി കെ. രാജന്‍, പി. രാജീവ് എന്നിവര്‍ സമാപനയോഗത്തില്‍ പങ്കെടുക്കാനിരിക്കെയാണു ഭൂരിപക്ഷം വരുന്ന ഭൂസംരക്ഷണ സമിതി സമരം അവസാനിപ്പിക്കാന്‍ തീരുമാനിച്ചത്. സമരസമിതി കണ്‍വീനര്‍ ജോസഫ് ബെന്നിയെ തദ്ദേശ തിരഞ്ഞെടുപ്പില്‍ യു.ഡി.എഫ്. സ്ഥാനാര്‍ഥിയായി മത്സരിപ്പിക്കാനുള്ള ചര്‍ച്ചകള്‍ കോണ്‍ഗ്രസ് നേതാക്കള്‍ നടത്തിയിരുന്നു. ഈ വിഷയത്തലടക്കം ഭിന്നാഭിപ്രായം ഉയര്‍ന്നിരുന്നു.