തിരുവനന്തപുരം: 2025-26 സാമ്പത്തിക വര്ഷത്തേക്കുള്ള സംസ്ഥാന ബജറ്റ് ധനമന്ത്രി കെ എന് ബാലഗോപാല് വെള്ളിയാഴ്ച നിയമസഭയില് അവതരിപ്പിക്കും.
15-ാം കേരള നിയമസഭയുടെ 13-ാം സമ്മേളനം ജനുവരി 17നാണ് ആരംഭിച്ചത്. 23ന് ആദ്യഘട്ട സമ്മേളനം അവസാനിച്ചു.
വെള്ളിയാഴ്ച ധനമന്ത്രി ബജറ്റ് അവതരിപ്പിച്ച ശേഷം ഫെബ്രുവരി 10 മുതല് 13 വരെ ബജറ്റ് ചര്ച്ച നടക്കും. ബജറ്റ് സമ്മേളനം മാര്ച്ച് 28 വരെ നീളും.
വെള്ളിയാഴ്ച രാവിലെ 9 മണിയ്ക്കാണ് മന്ത്രി കെഎന് ബാലഗോപാല് ബജറ്റ് അവതരിപ്പിക്കുക. ജനുവരി 17 ഗവര്ണറുടെ നയപ്രഖ്യാപനത്തോടെയാണ് ബജറ്റ് സമ്മേളനം തുടങ്ങിയത്.
ബജറ്റ് ചര്ച്ചകള്ക്ക് ശേഷം, ഫെബ്രുവരി 13 ന്, മുന് ബജറ്റിനുള്ള സപ്ലിമെന്ററി ഗ്രാന്റുകളുടെ അവസാന ബാച്ച് പരിഗണിക്കും. ശേഷം ഫെബ്രുവരി 14 മുതല് മാര്ച്ച് 2 വരെ ഇടവേള ഉണ്ടാകും. മാര്ച്ച് 4 മുതല് 26 വരെ 13 ദിവസത്തേക്ക്, വകുപ്പുതല ബജറ്റ് നിര്ദ്ദേശങ്ങള് സഭ ചര്ച്ച ചെയ്യും.