വ​ട​ക​ര​യി​ൽ കാ​ര​വാ​നി​ൽ യു​വാ​ക്ക​ൾ മ​രി​ച്ച സം​ഭ​വത്തിൽ നിർണായക കണ്ടെത്തൽ. മ​രണം കാ​ർ​ബ​ൺ മോ​ണോ​ക്സൈ​ഡ് ശ്വ​സി​ച്ചെ​ന്ന് ശാ​സ്ത്രീ​യ പ​രി​ശോ​ധ​ന റിപ്പോർട്ട്. വിഷ വാതകം അകത്തേക്ക് എത്തിയത് ജനറേറ്ററിൽ നിന്ന്. രണ്ട് മണിക്കൂറിനിടെ പടർന്നത് 957 പിപിഎം അളവ് കാർബൺ മോണോക്സൈഡ്. മരണ കാരണം വ്യക്തമാക്കി വിദ​ഗ്ധ സംഘം

കോ​ഴി​ക്കോ​ട്: വ​ട​ക​ര​യി​ൽ കാ​ര​വാ​നി​ൽ യു​വാ​ക്ക​ൾ മ​രി​ച്ച സംഭവത്തിൽ നിർണായക കണ്ടെത്തലുമായി വിദ​ഗ്ധ സംഘം. യുവാക്കൾ മരിച്ചത് കാ​ർ​ബ​ൺ മോ​ണോ​ക്സൈ​ഡ് ശ്വ​സി​ച്ചെ​ന്നാണ് എ​ൻ​ഐ​ടി സം​ഘം ന​ട​ത്തി​യ ശാ​സ്ത്രീ​യ പ​രി​ശോ​ധ​ന​യി​ൽ തെളിഞ്ഞത്.

കാരവനിലെ ജനറേറ്ററിൽ നിന്നു വിഷ വാതകം പ്ലാറ്റ്ഫോം ദ്വാരം വഴി അകത്തേക്ക് വമിച്ചു. രണ്ട് മണിക്കൂറിനിടെ 957 പിപിഎം അളവ് കാർബൺ മോണോക്സൈഡാണ് അകത്ത് പടർന്നതെന്നും പരിശോധനയിൽ വ്യക്തമായി.

ക​ഴി​ഞ്ഞ മാ​സം 23 നാ​യി​രു​ന്നു അ​പ​ക​ടം. പോ​ലീ​സി​നൊ​പ്പം ഫോ​റ​ൻ​സി​ക് വി​ഭാ​ഗ​വും, വാ​ഹ​നം നി​ർ​മ്മി​ച്ച ബെ​ൻ​സ് ക​മ്പ​നി​യു​ടെ സാ​ങ്കേ​തി​ക വി​ദ​ഗ്ധ​രും എ​ൻ​ഐ​ടി​യി​ലെ വി​ദ​ഗ്ധ സം​ഘ​ത്തി​ന്‍റെ പ​രി​ശോ​ധ​ന​യു​ടെ ഭാ​ഗ​മാ​യി​രു​ന്നു.

മ​ല​പ്പു​റം വ​ണ്ടൂ​ർ സ്വ​ദേ​ശി​യാ​യ മ​നോ​ജും, കാ​സ​റ​ഗോ​ഡ് വെ​ള്ള​രി​ക്കു​ണ്ട് സ്വ​ദേ​ശി ജോ​യ​ലു​മാ​ണ് മ​രി​ച്ച​ത്. വ​ട​ക​ര​യി​ൽ ദേ​ശീ​യ പാ​ത​യോ​ര​ത്ത് ന​ഗ​ര മ​ധ്യ​ത്തി​ൽ ഒ​രു രാ​ത്രി​യും ഒ​രു പ​ക​ലു​മാ​ണ് യു​വാ​ക്ക​ൾ മ​രി​ച്ചു​കി​ട​ന്ന​ത്.

വി​വാ​ഹ സം​ഘ​ത്തോ​ടൊ​പ്പം എ​ത്തി​യ​താ​യി​രു​ന്നു യു​വാ​ക്ക​ൾ. വ​ട​ക​ര ക​രി​മ്പ​ന​പാ​ല​ത്തി​ന​ടു​ത്ത് വാ​ഹ​നം നി​ർ​ത്തി. എ​സി ഓ​ൺ ചെ​യ്ത് വി​ശ്ര​മി​ച്ച​താ​യി​രു​ന്നു. 

വാ​ട​ക​യ്ക്ക് എ​ടു​ത്ത കാ​ര​വാ​ൻ തി​രി​ച്ചെ​ത്താ​തെ വ​ന്ന​തോ​ടെ വാ​ഹ​ന​ത്തി​ന്‍റെ ഉ​ട​മ​ക​ളാ​ണ് ആ​ദ്യം അ​ന്വേ​ഷി​ച്ച് ഇ​റ​ങ്ങി​യ​ത്. പി​ന്നാ​ലെ വാ​ഹ​നം ക​ണ്ടെ​ത്തി. തു​റ​ന്ന് നോ​ക്കി​യ​പ്പോ​ഴാ​ണ് അ​ക​ത്ത് യു​വാ​ക്ക​ളെ മ​രി​ച്ച നി​ല​യി​ൽ ക​ണ്ടെ​ത്തി​യ​ത്.