കാര്‍ഡ് അനുവദിച്ചത് എനിക്ക് സഹായമായി. സരള ഹാപ്പി. അദാലത്തിലൂടെ മുന്‍ഗണനാ റേഷന്‍ കാര്‍ഡ്

കോട്ടയം: ഏറെ നാളത്തെ കാത്തിരിപ്പിനൊടുവില്‍ മുന്‍ഗണനാ റേഷന്‍ കാര്‍ഡ് കൈയില്‍ ലഭിച്ച സന്തോഷത്തിലാണ് ഉദയനാപുരം ഇരുമ്പൂഴിക്കര നികര്‍ത്തില്‍ സരള 'കരുതലും കൈത്താങ്ങും' പരാതിപരിഹാര അദാലത്തില്‍നിന്ന് മടങ്ങിയത്. 

അന്ത്യോദയ അന്നയോജന (എ.എ.വൈ) കാര്‍ഡാണ് സരളയ്ക്ക് ലഭിച്ചത്.

 അറുപത്തിനാലുകാരിയായ സരള മത്സ്യത്തൊഴിലാളിയാണ്. അദാലത്തില്‍ മന്ത്രി വി.എന്‍. വാസവനില്‍നിന്ന് സരള റേഷന്‍ കാര്‍ഡ് ഏറ്റുവാങ്ങി.

 ''എന്നെപ്പോലുള്ള ഒരുപാട് പേര്‍ക്ക് ഗുണം ചെയ്യുന്ന തീരുമാനങ്ങളാണ് അദാലത്തില്‍ എടുക്കുന്നത്. കാര്‍ഡ് അനുവദിച്ചത് എനിക്ക് സഹായമായി.'' -സരള പറഞ്ഞു.