വാഹന പരിശോധനയ്ക്കിടെ 40 ചാക്ക് നിരോധിത പുകയില ഉൽപ്പന്നങ്ങളുമായി ഒരാൾ പിടിയിൽ

ചേർത്തല: 40 ചാക്ക് നിരോധിത പുകയില ഉൽപ്പന്നങ്ങളുമായി ഒരാൾ പിടിയിൽ. എറണാകുളം വാഴക്കുളം സ്വദേശി വല്ലേപ്പള്ളി  വീട്ടിൽ  അബ്ദുൾ സമദ്(50)നെ അറസ്റ്റിലായത്. 

നൈപുണ്യാ കോളേജ് ജംഗ്ഷന് സമീപം റോഡിൽ ആലപ്പുഴ ജില്ലാ ലഹരി വിരുദ്ധ സ്ക്വാഡും, ചേർത്തല പൊലീസും ചേർന്ന് നടത്തിയ വാഹന പരിശോധനയ്ക്കിടെയാണ് ഇയാൾ പിടിയിലാവുന്നത്. 

ലോ ആൻഡ് ഓർഡർ എഡിജിപിയുടെ ഓപ്പറേഷൻ ഡി ഹണ്ടിന്‍റെ ഭാഗമായി നടത്തിയ പരിശോധനയിലാണ് ലഹരി വസ്തുക്കളുമായി പ്രതി പിടിയിലായത്.