വയനാട്ടിലെ ദുരന്ത മേഖല സന്ദർശിക്കരുതെന്ന് ശാസ്ത്ര സാങ്കേതിക വിദഗ്ധർക്ക് നൽകിയ നിർദേശം തെറ്റിദ്ധാരണ സൃഷ്ടിക്കുന്നു; അത്തരം ഒരു നയം സംസ്ഥാന സർക്കാരിന് ഇല്ല, നിർദേശം പിൻവലിക്കണമെന്ന് മുഖ്യമന്ത്രി

തിരുവനന്തപുരം: ദുരന്ത മേഖല സന്ദർശിക്കരുതെന്ന് ശാസ്ത്ര സാങ്കേതിക സ്ഥാപനങ്ങളോടും ശാസ്ത്രജ്ഞരോടും സംസ്ഥാന ഡിസാസ്റ്റർ മാനേജ്മെന്റ് അതോറിറ്റി ആവശ്യപ്പെടണമെന്ന് നിർദേശം നൽകിയതായ വാർത്ത തെറ്റിദ്ധാരണ സൃഷ്ടിക്കുന്നതാണെന്ന് മുഖ്യമന്ത്രി.

അത്തരം ഒരു നയം സംസ്ഥാന സർക്കാരിന് ഇല്ല. അങ്ങനെ തോന്നിപ്പിക്കുംവിധം ആശയവീനിമയം നടത്തിയത് ബന്ധപ്പെട്ട ഉദ്യോഗസ്ഥർ ഉടനെ പിൻവലിക്കാൻ മുഖ്യമന്ത്രി നിർദേശിച്ചു.