വാളയാർ ആൾക്കൂട്ടക്കൊലയിൽ കടുപ്പിച്ച് ദേശീയ മനുഷ്യാവകാശ കമ്മീഷൻ. ചീഫ് സെക്രട്ടറി ആക്ഷൻ ടേക്കൺ റിപ്പോർട്ട് സമർപ്പിച്ചില്ല ; രേഖകൾ തേടി കളക്ടർക്കും എസ്പി ക്കും കത്ത് നൽകി

ഡൽഹി: വാളയാർ ആൾക്കൂട്ട കൊലയിൽ ദേശീയ മനുഷ്യാവകാശ കമ്മീഷൻ നിലപാട് കടുപ്പിക്കുകയാണ്. ചീഫ് സെക്രട്ടറി ആക്ഷൻ ടേക്കൻ റിപ്പോർട്ട് സമർപ്പിച്ചില്ലെന്ന് ദേശീയ മനുഷ്യാവകാശ കമ്മീഷൻ വ്യക്തമാക്കി . രേഖകൾ തേടി പാലക്കാട് കലക്ടർക്കും  എസ് പി യ്കും  ദേശീയ മനുഷ്യാവകാശ കമ്മീഷൻ നേരിട്ട് നോട്ടീസ് അയച്ചു.

എഫ് ഐ ആർ , പോസ്റ്റ്മോർട്ടം റിപ്പോർട്ട് , അറസ്റ്റ് മെമ്മോ, മൃതദേഹം വിട്ടുനൽകിയ രേഖ എന്നിവ ഹാജരാക്കണമെന്ന് കമ്മീഷൻ അയച്ച നോട്ടീസിൽ പറയുന്നു.

6 ആഴ്ചയ്ക്കുള്ളിൽ മേൽപ്പറഞ്ഞ രേഖകൾ സമർപ്പിക്കണമെന്ന് നോട്ടീസിൽ കമ്മീഷൻ വ്യക്തമാക്കുന്നു. രേഖകൾ ഹാജരാക്കിയില്ലെങ്കിൽ കർശന നടപടിയെന്ന് കമ്മീഷൻ മുന്നറിയിപ്പ് നൽകിയിട്ടുണ്ട്. ബംഗ്ലാദേശിയെന്നാരോപിച്ച് ഛത്തീസ്ഗഡ് സ്വദേശിയെ കൊലപ്പെടുത്തിയ കേസിലാണ് ദേശീയ മനുഷ്യാവകാശ കമ്മീഷൻ്റെ ഭാഗത്ത് നിന്നും ഇടപെടലുണ്ടായത്