ഫിസിയോ തെറാപിസ്റ്റുകളും ഒക്കുപ്പേഷണല്‍ തെറാപിസ്റ്റുകളും ഡോക്ടര്‍മാരല്ല. പേരിന് മുന്നില്‍ ഡോക്ടര്‍ എന്ന് ഉപയോഗിക്കരുത്: ഹൈക്കോടതി

എറണാകുളം: ഫിസിയോ തെറാപിസ്റ്റുകളും ഒക്കുപ്പേഷണല്‍ തെറാപിസ്റ്റുകളും ഡോക്ടര്‍മാരല്ലെന്ന് ഹൈക്കോടതി. ഇവർ പേരിന് മുന്നില്‍ ഡോക്ടര്‍ എന്ന് ഉപയോഗിക്കരുതെന്നും ഹൈക്കോടതി പറഞ്ഞു. 

ഡോക്ടര്‍ എന്ന് ഉപയോഗിക്കുന്നില്ലെന്ന് അധികൃതര്‍ ഉറപ്പുവരുത്തണമെന്നും കോടതിയുടെ നിർദേശം. ഡോക്ടര്‍ എന്ന് ഉപയോഗിക്കുന്നത് തടയണം എന്ന ഫിസിക്കല്‍ മെഡിസിന്‍ അസോസിയേഷന്റെ ഹരജി ഹൈക്കോടതി ഫയലില്‍ സ്വീകരിച്ചു.

ഫിസിയോതെറാപ്പിസ്റ്റുകളും ഒക്യുപേഷണൽ തെറാപ്പി പ്രൊഫഷണലുകളും തങ്ങളെ ആരോഗ്യ സംരക്ഷണ ദാതാക്കളായി പ്രഖ്യാപിക്കരുതെന്നും അവരുടെ പേരിൽ 'ഡോ' എന്ന പ്രിഫിക്‌സ് ഉപയോഗിക്കരുതെന്നും ഫിസിയോതെറാപ്പിസ്റ്റുകളുടെയും ഒക്യുപേഷണൽ തെറാപ്പിയുടെയും പ്രൊഫഷണൽ സേവനങ്ങൾ ഉറപ്പാക്കണമെന്നും നിർദേശിക്കുന്ന ഒരു ഇടക്കാല ഉത്തരവ് പുറപ്പെടുവിക്കാൻ ഹൈക്കോടതിയോട് ഹരജിയിൽ ആവശ്യപ്പെട്ടു.

'1916ലെ ഇന്ത്യൻ മെഡിക്കൽ ഡിഗ്രി ആക്ടിലെ വ്യവസ്ഥകളും ഫിസിയോതെറാപ്പി, ഒക്യുപേഷണൽ തെറാപ്പി എന്നിവയ്ക്കുള്ള യോഗ്യതാധിഷ്ഠിത പാഠ്യപദ്ധതിയിലെ (Ext.P1, P1(a)) എന്നീ വകുപ്പുകളും തമ്മിൽ വ്യക്തമായ വൈരുദ്ധ്യമുണ്ട്. അംഗീകൃത മെഡിക്കൽ യോഗ്യത കൈവശം വയ്ക്കാതെ 'ഡോക്ടർ' എന്ന തലക്കെട്ട് ഉപയോഗിക്കുന്ന ഏതൊരു ഫിസിയോതെറാപ്പിസ്റ്റും നിയമലംഘനമായിരിക്കും.' ഉത്തരവിൽ പറയുന്നു.