മനസമ്മത ചടങ്ങിനിടെ പള്ളിയിലെ ഫാൻ പൊട്ടി വീണ് അപകടം. കുട്ടികളടക്കം അഞ്ച് പേർക്ക് പരിക്ക്, സംഭവം തൃശൂരിൽ

തൃശൂർ: തൃശൂരിൽ മനസമ്മത ചടങ്ങിനിടെ ഫാൻ പൊട്ടി വീണ് അഞ്ച് പേർക്ക് പരുക്ക്. കോടശേരി താഴൂർ സെൻറ് മേരീസ് പള്ളിയിലാണ് സംഭവം ഉണ്ടായത്.

ഉച്ചയ്ക്ക് 12 മണിയോടെ നടന്ന മനസമ്മത ചടങ്ങിനിടെയാണ് അപകടം ഉണ്ടായത്. നൂറിലധികം പേർ പങ്കെടുത്ത ചടങ്ങിനിടെയായിരുന്നു സംഭവം. അപകടത്തിൽ കുട്ടികളടക്കം അഞ്ച് പേർക്കാണ് പരുക്ക് പറ്റിയിരിക്കുന്നത്.

കുറ്റിച്ചിറ സ്വദേശി ബേബി, ചെമ്പൻ കുന്ന് സ്വദേശി വർഗീസ്, താഴൂർ സ്വദേശി ഷീജ പോൾ, കളിക്കൽ സ്വദേശി ആദിത്യൻ, മാരൻകോട് സ്വദേശിയായ രണ്ട് വയസുകാരി ഇവ എന്നിവർക്കാണ് പരിക്കേറ്റത്. പരിക്കേറ്റ അഞ്ച് പേരെയും ചാലക്കുടിയിലെ സ്വകാര്യ ആശുപത്രിയിൽ പ്രവേശിപ്പിച്ചു.