പത്തനംതിട്ടയിൽ പനി ബാധിച്ച് പ്ലസ് ടൂ വിദ്യാര്‍ത്ഥിനി മരിച്ച സംഭവത്തിൽ ദുരൂഹതയേറുന്നു. പെൺകുട്ടി അഞ്ച് മാസം ഗർഭിണിയായിരുന്നുവെന്ന് പോസ്റ്റ്മോർട്ടം റിപ്പോർട്ട്. അമിതമായി മരുന്ന് കഴിച്ചിരുന്നതായും സംശയം

പത്തനംതിട്ട: പത്തനംതിട്ടയിൽ പനി ബാധിച്ച് പ്ലസ് ടൂ വിദ്യാര്‍ത്ഥിനി മരിച്ച സംഭവത്തിൽ ദുരൂഹത. പെൺകുട്ടി ഗര്‍ഭിണിയായിരുന്നുവെന്ന പോസ്റ്റുമോര്‍ട്ടം റിപ്പോർട്ട് പുറത്തു വന്നതോടെയാണ് ദുരൂഹത ഏറുന്നത്.

മരിച്ച 17 കാരി അഞ്ച് മാസം ഗര്‍ഭിണിയായിരുന്നു. ആലപ്പുഴ വണ്ടാനം മെഡിക്കല്‍ കോളജ് ആശുപത്രിയില്‍ ചികില്‍സയിലിരിക്കെയാണ് പെണ്‍കുട്ടി മരിച്ചത്.

ഈ മാസം 22നാണ് പെണ്‍കുട്ടിയെ വണ്ടാനം മെഡിക്കൽ കോളജ് ആശുപത്രിയിലേക്ക് മാറ്റിയത്. ഇന്നലെയാണ് പെൺകുട്ടി മരിച്ചത്. പെണ്‍കുട്ടി അമിതമായി മരുന്ന് കഴിച്ചിരുന്നതായും സംശയമുണ്ട്. സംഭവത്തിൽ അസ്വാഭാവിക മരണത്തിന് പൊലീസ് കേസെടുത്തു.