സ്വർണ പ്രേമികൾക്ക് ആശ്വാസം, സ്വർണ വില താഴേക്കിറങ്ങി, നിരക്കറിയാം

കൊച്ചി: സംസ്ഥാനത്ത് ഇന്ന് സ്വർണവില കുറഞ്ഞു. ​ഗ്രാമിന് പത്ത് രൂപ കുറഞ്ഞ് 7,150 രൂപയിലെത്തി. ​പവന് 80 രൂപ കുറഞ്ഞ് 57,200 രൂപയിലാണ് ഇന്ന് വ്യാപാരം നടത്തുന്നത്.

രണ്ട് ദിവസമായി സ്വർണവില ചാഞ്ചാടുകയാണ്. പവന് 1,800 രൂപയോളം ഇടിഞ്ഞതിന് ശേഷം ഇന്നലെ ഒറ്റയടിക്ക് 550 രൂപ വർദ്ധിച്ചിരുന്നു. നവംബർ 14,16,17 തീയതികളിൽ ഈ മാസത്തെ ഏറ്റവും കുറഞ്ഞ നിരക്കായ 55,480 രൂപയിലായിരുന്നു വ്യാപാരം. നവംബർ ഒന്നിന് പവന് വില 59,080 രൂപയിലെത്തിയതാണ് ഈ മാസത്തെ ഏറ്റവും ഉയർന്ന നിരക്ക്. വരും മാസത്തിലും സ്വർണവില കുറയുമെന്ന ശുഭപ്രതീക്ഷയിലാണ് സ്വർണ പ്രേമികൾ.