/sathyam/media/agency_attachments/5VspLzgrB7PML1PH6Ix6.png)
Follow Us/sathyam/media/media_files/2025/02/04/gSsUpNvvtvlt5rszc2hg.jpg)
തിരുവനന്തപുരം: തിരുവനന്തപുരം വിമാനത്താവളത്തില്‍സ്വര്‍ണവേട്ട. ഒരു കോടി 22 ലക്ഷം രൂപയുടെ സ്വര്‍ണമാണ് കസ്റ്റംസിന്റെ എയര്‍ ഇന്റലിജന്‍സ് വിഭാഗം പിടിച്ചെടുത്തത്.
വിമാനത്താവളത്തില്‍ എത്തിയ രണ്ട് യാത്രക്കാരില്‍ നിന്നായാണ് സ്വര്‍ണം പിടികൂടിയത്. ചൊവ്വാഴ്ച രാവിലെ റിയാദില്‍ നിന്നെത്തിയ എയര്‍ ഇന്ത്യാ എക്‌സ്പ്രസ് വിമാനത്തില്‍ തിരുവനന്തപുരം വിമാനത്താവളത്തില്‍ എത്തിയ യാത്രക്കാരനില്‍ നിന്ന് നാല് സ്വര്‍ണ ക്യാപ്‌സ്യൂളുകള്‍ പിടിച്ചെടുക്കുകയായിരുന്നു.
1063.37 ഗ്രാം തൂക്കത്തില്‍ ശരീരത്തിലൊളിപ്പിച്ച നിലയില്‍ കണ്ടെത്തിയ സ്വര്‍ണമാണ് ക്യാപ്‌സ്യൂളിനുള്ളില്‍ കടത്തിയത്. 86.20 ലക്ഷം രൂപ വിലവരുന്ന സ്വര്‍ണമാണ് പിടികൂടിയത്.
ദുബായില്‍ നിന്ന് തിരുവനന്തപുരത്തെത്തിയ എമിറേറ്റ്‌സ് വിമാനത്തിലെ യാത്രക്കാരനില്‍ നിന്ന് ബുധനാഴ്ച പുലര്‍ച്ചെ 407.13 ഗ്രാം തൂക്കമുളളതും 35.62 ലക്ഷം രൂപ വില വരുന്നതും നാല് സ്വര്‍ണ്ണ ബാറുകളും പിടിച്ചെടുത്തിരുന്നു.
ഇയാള്‍ ധരിച്ചിരുന്ന ജീന്‍സ് പാന്റ്‌സില്‍ രഹസ്യമായി നിര്‍മ്മിച്ച അറയിലായിരുന്നു സ്വര്‍ണം ഒളിപ്പിച്ചിരുന്നത്. പിടികൂടിയവര്‍ക്കെതിരെ കസ്റ്റംസ് കേസെടുത്തു.