കുവൈറ്റിൽ ആങ്കർ പവർ ബാങ്കുകൾ വിപണിയിൽ നിന്നും പിൻവലിച്ചു. നടപടി സുരക്ഷാ പ്രശ്നങ്ങൾ ചൂണ്ടിക്കാട്ടി

കുവൈറ്റ് സിറ്റി: ഉപഭോക്താക്കളുടെ സുരക്ഷ ഉറപ്പാക്കുന്നതിന്റെ ഭാഗമായി, പ്രമുഖ ഇലക്ട്രോണിക്സ് ഉത്പന്ന നിർമ്മാതാക്കളായ ആങ്കറിന്റെ (Anker) ചില പവർ ബാങ്ക് മോഡലുകൾ തിരിച്ചുവിളിക്കാൻ കുവൈറ്റ് വാണിജ്യ വ്യവസായ മന്ത്രാലയം ഉത്തരവിട്ടു. 

അമിതമായി ചൂടാകാനും ഉരുകാനും തീപിടിക്കാനും സാധ്യതയുണ്ടെന്ന് കണ്ടെത്തിയതിനെ തുടർന്നാണ് ഈ നടപടി.

2023 സെപ്റ്റംബർ മുതൽ 2025 ഫെബ്രുവരി വരെയുള്ള കാലയളവിൽ നിർമ്മിച്ച ലിഥിയം-അയൺ പവർ ബാങ്കുകൾക്കാണ് ഈ പ്രശ്നം കണ്ടെത്തിയിരിക്കുന്നത്. 

തിരിച്ചുവിളിക്കുന്ന മോഡലുകൾ താഴെ പറയുന്നവയാണ്:

 * A1681: Zolo Power Bank (20K, 30W, Built-in USB-C and Lightning Cable)
 * A1689: Zolo Power Bank (20K, 30W, Built-in USB-C Cable)
 * A1257: Power Bank (10K, 22.5W)
 * A1647: Power Bank (20,000mAh, 22.5W, Built-in USB-C Cable)
 * A1652: MagGo Power Bank (10,000mAh, 7.5W)

ഉപഭോക്താക്കൾ ശ്രദ്ധിക്കുക:

നിർദ്ദിഷ്‌ട സമയപരിധിക്കുള്ളിൽ ഈ ഉൽപ്പന്നങ്ങൾ വാങ്ങിയവർ, അവ വാങ്ങിയ കടയുടമായി ബന്ധപ്പെടണം. ഒറിജിനൽ രസീതുകൾ സഹിതം ഉൽപ്പന്നം തിരികെ നൽകി, പകരം മറ്റൊരു ഉൽപ്പന്നം വാങ്ങുകയോ അല്ലെങ്കിൽ അടച്ച മുഴുവൻ പണവും തിരികെ വാങ്ങുകയോ ചെയ്യാവുന്നതാണ്.

കൂടുതൽ വിവരങ്ങൾക്ക്:

കൂടുതൽ വിവരങ്ങൾക്കും സഹായത്തിനും, 'സെവൻത് ഡൈമെൻഷൻ ഫോർ ജനറൽ ട്രേഡിംഗ് കമ്പനി'യുമായി ബന്ധപ്പെടാം.
 * ഫോൺ: 1889991
 * വെബ്സൈറ്റ്: www.anker-mea.com/product-recall

ഉപഭോക്തൃ സംരക്ഷണ നിയമങ്ങളിലെ 42 മുതൽ 48 വരെയുള്ള വകുപ്പുകളും (നമ്പർ 27/2015), എക്സിക്യൂട്ടീവ് നിയമങ്ങളിലെ 39/2014 വകുപ്പും അനുസരിച്ചാണ് ഈ തിരിച്ചുവിളിക്കൽ നടപടി. 

പൊതുജനങ്ങളുടെ സുരക്ഷയ്ക്ക് മന്ത്രാലയം പ്രാധാന്യം നൽകുന്നുണ്ടെന്നും, ഇത്തരം നിർദ്ദേശങ്ങൾ കർശനമായി പാലിക്കണമെന്നും അധികൃതർ അഭ്യർത്ഥിച്ചു.