ഗുരുവായൂര്‍ അമ്പലനടയില്‍ സെപ്റ്റംബര്‍ 8 ന് 328 വിവാഹങ്ങള്‍, ഇത് ചരിത്രം

ഗുരുവായൂര്‍ ക്ഷേത്രത്തില്‍ സെപ്റ്റംബര്‍ 8 ഞായറാഴ്ച വിവാഹങ്ങളുടെ എണ്ണത്തില്‍  റെക്കോര്‍ഡ്. ഇതുവരെ 328 വിവാഹങ്ങള്‍ ബുക്ക് ചെയ്തു. 277 വിവാഹങ്ങള്‍ നടന്നതാണ് ഇതിനു മുന്‍പുള്ള റെക്കോര്‍ഡ്. സെപ്റ്റംബര്‍ എട്ടിനുള്ള കല്ല്യാണങ്ങളുടെ എണ്ണം ഇനിയും കൂടാന്‍ സാധ്യതയുണ്ട്.

ക്ഷേത്ര ത്തിനു മുന്നിലെ 4 കല്യാണ മണ്ഡപങ്ങളിലാണ് ഇപ്പോള്‍ ചടങ്ങു നടക്കുന്നത്. സെപ്റ്റംബര്‍ 4,5 തീയതികളിലും വിവാഹങ്ങളുടെ ബുക്കിങ് 100 കടന്നിട്ടുണ്ട്. കല്ല്യാണങ്ങളുടെ എണ്ണം കൂടിയതോടെ കൂടുതല്‍ പൊലീസിനെയും സുരക്ഷ ഉദ്യോഗസ്ഥരെയും വിന്യസിക്കേണ്ട സാഹചര്യമാണ്.