/sathyam/media/agency_attachments/5VspLzgrB7PML1PH6Ix6.png)
Follow Us/sathyam/media/media_files/2025/03/15/KMQMNV8PydLTFxl7CJb8.jpg)
ഗുരുവായൂര്: ഗുരുവായൂര് ക്ഷേത്രം മേല്ശാന്തിയായി മലപ്പുറം എടപ്പാള് കവപ്ര മാറത്ത് മന അച്യുതന് നമ്പൂതിരി(52)യെ തിരഞ്ഞെടുത്തു.
നറുക്കെടുപ്പിലൂടെയാണ് അച്യുതന് നമ്പൂതിരിയെ ഏപ്രില് ഒന്നുമുതല് അടുത്ത ആറുമാസത്തേക്കുള്ള മേല്ശാന്തിയായി തിരഞ്ഞെടുത്തത്.
വളാഞ്ചേരി ഹയര് സെക്കന്ഡറി സ്കൂളിലെ സംസ്കൃതം അധ്യാപകനാണ്. കവപ്ര മാറത്ത് മന നീലകണ്ഠന് നമ്പുതിരിയുടേയും പാര്വ്വതി അന്തര്ജനത്തിന്റേയും മകനാണ്.
ഭാര്യ: നിസ( മാറഞ്ചേരി ഹയര്സെക്കന്ഡറി സ്കൂള് അധ്യാപിക) മകന്: കൃഷ്ണദത്ത്.
ശനിയാഴ്ച ഉച്ചപൂജയ്ക്ക് ശേഷം ക്ഷേത്രം തന്ത്രി ബ്രഹ്മശ്രീ പി.സി.ദിനേശന് നമ്പൂതിരിപ്പാടിന്റെ സാന്നിധ്യത്തിലായിരുന്നു മേല്ശാന്തിയെ തിരഞ്ഞെടുക്കാനുള്ള നറുക്കെടുപ്പ് നടന്നത്.
ഉച്ചപൂജ നിര്വഹിച്ച മേല്ശാന്തി പുതുമന ശ്രീജിത്ത് നമ്പൂതിരിയാണ് നമസ്ക്കാര മണ്ഡപത്തില് വെച്ച് നറുക്കെടുത്തത്.