സംസ്ഥാനത്ത്  തീവ്രമഴയും ശക്തമായ ഇടിമിന്നലും ;അനാവശ്യ യാത്രകൾ ഒഴിവാക്കണം... ജനങ്ങൾക്ക് അതീവ ജാഗ്രത നിർദേശം

തിരുവനന്തപുരം:  സംസ്ഥാനത്ത് അതിശക്തമായ മഴ തുടരുന്നു.

പത്തനംതിട്ട, കോട്ടയം, ഇടുക്കി ജില്ലകളിൽ ഇന്ന് ഓറഞ്ച് അലർട്ടാണ്. എറണാകുളം, തൃശ്ശൂർ, പാലക്കാട്, മലപ്പുറം, കോഴിക്കോട്, വയനാട്, കണ്ണൂർ, കാസർകോട് ജില്ലകളിൽ യെല്ലോ അലർട്ടുമുണ്ട്.

നാളെ വടക്കൻ ജില്ലകളിൽ  അതിശക്തമായ മഴയ്ക്ക് സാധ്യതയുണ്ടെന്ന്  കാലാവസ്ഥ നിരീക്ഷണ കേന്ദ്രം അറിയിച്ചു.

മലപ്പുറം, കോഴിക്കോട്, കണ്ണൂർ, കാസർകോട് ജില്ലകളിലാണ് നാളെ ഓറഞ്ച് അലർട്ട്. കേരളാ തീരത്ത് മീൻപിടുത്തത്തിന് വിലക്കുണ്ട്. 

നാളെ അനാവശ്യയാത്രകൾ ഒഴിവാക്കാൻ അതാത് ജില്ലാഭരണകൂടങ്ങൾ ജനങ്ങൾക്ക് നിർദ്ദേശം നൽകിയിട്ടുണ്ട്.