മുണ്ടക്കൈ - ചൂരൽമല ദുരന്തബാധിതരുടെ വായ്പ എഴുതി തള്ളൽ: കേ​ര​ള​ത്തെ സ​ഹാ​യി​ക്കാ​ൻ താ​ത്പ​ര്യ​മി​ല്ലെ​ങ്കി​ൽ അ​ക്കാ​ര്യം തു​റ​ന്ന് പ​റ​യ​ണം, കേ​ന്ദ്ര​ത്തി​ന്‍റെ ചി​റ്റ​മ്മ ന​യം പ്രോ​ത്സാ​ഹി​പ്പി​ക്കാ​നാ​വി​ല്ലെ​ന്ന് ഹൈ​ക്കോ​ട​തി. കേന്ദ്ര സർക്കാരിന്റെ നിലപാട് അസ്വസ്ഥതയുണ്ടാക്കുന്നതെന്നും കോടതി

കൊ​ച്ചി:വ​യ​നാ​ട് മു​ണ്ട​ക്കൈ -​ ചൂ​ര​ൽ​മ​ല ദു​ര​ന്ത ബാ​ധി​ത​രു​ടെ ബാ​ങ്ക് വാ​യ്പ എ​ഴു​തി​ത്ത​ള്ളി​ല്ലെ​ന്ന കേ​ന്ദ്ര സ​ർ​ക്കാ​ർ നി​ല​പാ​ടി​നെ​തി​രേ രൂ​ക്ഷ വി​മ​ർ​ശ​ന​വു​മാ​യി ഹൈ​ക്കോ​ട​തി. 

കാ​രു​ണ്യ​മ​ല്ല തേ​ടു​ന്ന​തെ​ന്നും ചി​റ്റ​മ്മ ന​യം വേ​ണ്ടെ​ന്നും കേ​ന്ദ്ര​ത്തോ​ട് ഹൈ​ക്കോ​ട​തി പ​റ​ഞ്ഞു. കേ​ര​ള​ത്തെ സ​ഹാ​യി​ക്കാ​ൻ താ​ത്പ​ര്യ​മി​ല്ലെ​ങ്കി​ൽ അ​ക്കാ​ര്യം തു​റ​ന്ന് പ​റ​യ​ണ​മെ​ന്നും ഹൈ​ക്കോ​ട​തി ആ​ഞ്ഞ​ടി​ച്ചു.

മു​ണ്ട​ക്കൈ-ചൂ​ര​ൽ​മ​ല ദു​ര​ന്ത​വു​മാ​യി ബ​ന്ധ​പ്പെ​ട്ട് സ്വ​മേ​ധ​യാ സ്വീ​ക​രി​ച്ച ഹ​ർ​ജി പ​രി​ഗ​ണി​ക്കു​ക​യാ​യി​രു​ന്നു ഹൈ​ക്കോ​ട​തി.

ബാ​ങ്ക് വാ​യ്പ എ​ഴു​തി​ത്ത​ള്ളാ​ൻ നി​യ​മ​ത്തി​ൽ വ്യ​വ​സ്ഥ​യി​ല്ലെ​ന്നും വാ​യ്പ എ​ഴു​തി​ത്ത​ള്ള​ൽ കേ​ന്ദ്ര​ത്തി​ന്‍റെ അ​ധി​കാ​ര പ​രി​ധി​ക്ക് പു​റ​ത്തു​ള്ള കാ​ര്യ​മാ​ണെ​ന്നും കാ​ണി​ച്ച് കേ​ന്ദ്ര സ​ർ​ക്കാ​ർ ഹൈ​ക്കോ​ട​തി​യി​ൽ സ​മ​ർ​പ്പി​ച്ച സ​ത്യ​വാങ്​മൂ​ല​ത്തി​നെ​തി​രെ​യാ​ണ് വി​മ​ർ​ശ​നം.

വാ​യ്പ​ക​ള്‍ എ​ഴു​തി​ത്ത​ള്ളു​ന്ന​തി​ല്‍ ബു​ദ്ധി​മു​ട്ടു​ണ്ടെ​ന്ന് അ​റി​യി​ച്ച കേ​ന്ദ്ര സ​ര്‍​ക്കാ​രി​ന്‍റെ മ​റു​പ​ടി​യോ​ട് ‘ഫ​ന്‍റാ​സ്റ്റി​ക്’ എ​ന്നാ​ണ് പ​രി​ഹാ​സ രൂ​പേ​ണ ഹൈ​ക്കോ​ട​തി പ്ര​തി​ക​രി​ച്ച​ത്. 

കേ​ന്ദ്ര സ​ർ​ക്കാ​രി​ന് അ​ധി​കാ​ര​മി​ല്ലെ​ന്ന് പ​റ​യാ​നാ​വി​ല്ലെ​ന്ന് ആ​വ​ർ​ത്തി​ച്ച ഹൈ​ക്കോ​ട​തി, വാ​യ്പ എ​ഴു​തി​ത്ത​ള്ളാ​ൻ മ​ന​സു​ണ്ടോ​യെ​ന്ന​താ​ണ് പ്ര​ശ്ന​മെ​ന്നും എ​ഴു​തി​ത്ത​ള്ളാ​നാ​വി​ല്ലെ​ന്ന് കേ​ന്ദ്ര​ത്തി​ന് പ​റ​യാ​നാ​വി​ല്ലെ​ന്നും പ​റ​ഞ്ഞു.

വാ​യ്പ എ​ഴു​തി​ത​ള്ളു​ന്ന​തി​ന് ഭ​ര​ണ​ഘ​ട​ന​യി​ൽ വ്യ​വ​സ്ഥ​യു​ണ്ടെ​ന്ന് നേ​ര​ത്തെ ത​ന്നെ വ്യ​ക്ത​മാ​ക്കി​യി​ട്ടു​ണ്ട്. ആ​രെ​യാ​ണ് നി​ങ്ങ​ൾ വി​ഡ്ഢി​ക​ളാ​ക്കാ​ൻ ശ്ര​മി​ക്കു​ന്ന​ത്.

ഭ​ര​ണ​ഘ​ട​ന വാ​യി​ച്ചി​ട്ട് വ​രൂ​വെ​ന്നും ഉ​ദ്യോ​ഗ​സ്ഥ​ർ ഭ​ര​ണ​ഘ​ട​ന വാ​യി​ച്ചി​ട്ടി​ല്ലേ എ​ന്നും കോ​ട​തി ചോ​ദി​ച്ചു.

ഗു​ജ​റാ​ത്ത്, രാ​ജ​സ്ഥാ​ൻ ഉ​ൾ​പ്പ​ടെ​യു​ള്ള സം​സ്ഥാ​ന​ങ്ങ​ൾ​ക്ക് കേ​ന്ദ്രം സ​ഹാ​യം ന​ൽ​കി. സ​ഹാ​യി​ക്കാ​ൻ ത​യാ​റ​ല്ലെ​ങ്കി​ൽ അ​ത് ജ​ന​ങ്ങ​ളോ​ട് പ​റ​യൂ. കാ​രു​ണ്യ​മ​ല്ല തേ​ടു​ന്ന​തെ​ന്നും കേ​ന്ദ്ര​ത്തോ​ട് ഹൈ​ക്കോ​ട​തി പ​റ​ഞ്ഞു.

കേ​ന്ദ്ര സ​ർ​ക്കാ​ർ നി​ല​പാ​ട് അ​ങ്ങേ​റ്റ​യ​റ്റം അ​സ്വ​സ്ഥ​ത​പ്പെ​ടു​ത്തു​ന്ന​തെ​ന്നു പ​റ​ഞ്ഞ കോ​ട​തി കേ​ന്ദ്ര​സ​ർ​ക്കാ​ർ പ​രി​ധി​യി​ലു​ള്ള ബാ​ങ്കു​ക​ളു​ടെ വി​വ​ര​ങ്ങ​ൾ കൈ​മാ​റാ​ൻ നി​ർ​ദേ​ശി​ച്ചു.

ഇ​ത് ഒ​ന്നി​ന്‍റെ​യും അ​വ​സാ​ന​മ​ല്ലെ​ന്ന് പ​റ​ഞ്ഞ ഹൈ​ക്കോ​ട​തി, ഇ​താ​ണ് മ​നോ​ഭാ​വ​മെ​ങ്കി​ൽ ക​ടു​ത്ത നി​ല​പാ​ട് സ്വീ​ക​രി​ക്കു​മെ​ന്നും കേ​ന്ദ്ര സ​ർ​ക്കാ​രി​ന് മു​ന്ന​റി​യി​പ്പ് ന​ൽ​കി.