ഹിജാബ് വിലക്ക്: വിദ്യാർഥികൾക്കെതിരെ നടക്കുന്നത് ഭരണഘടനാ അവകാശ ലംഘനം - റസാഖ് പാലേരി

തിരുവനന്തപുരം: പള്ളുരുത്തി സെന്റ് റീത്താസ് സ്കൂൾ അധികൃതർ അവിടുത്തെ മുസ്‌ലിം വിദ്യാർഥികൾക്കെതിരെ നടത്തിക്കൊണ്ടിരിക്കുന്നത് വിദ്യാഭ്യാസ അവകാശ ലംഘനവും ഭരണഘടനാ അവകാശ ലംഘനമാണെന്ന് വെൽഫെയർ പാർട്ടി സംസ്ഥാന പ്രസിഡന്റ് റസാഖ്‌ പാലേരി പറഞ്ഞു. 

വിദ്യാഭ്യാസ സ്ഥാപനങ്ങളിൽ ഹിജാബിന് വിലക്കേർപ്പെടുത്തുന്നത് വിവിധ ജനവിഭാഗങ്ങൾക്കിടയിൽ നിലനിൽക്കുന്ന സാഹോദര്യത്തെ തകർക്കും. മതപരമായ വസ്ത്രധാരണം ഒഴിവാക്കുന്നതാണ് തുല്യതയുടെയും മതേതരത്വത്തിന്റെയും താല്പര്യമെന്ന് വാദിക്കുന്നത് തെറ്റാണ്.

സ്കൂൾ വിദ്യാർത്ഥിനിയുടെ മതപരവും സാംസ്‌കാരികവുമായ അവകാശങ്ങൾ നിഷേധിച്ച സ്കൂൾ അധികൃതർ നിലപാട് തിരുത്തണമെന്നും അദ്ദേഹം ആവശ്യപ്പെട്ടു.