വിദ്യാഭ്യാസ മേഖലയിൽ പുതുമ നിലനിർത്തേണ്ടത് അനിവാര്യം: മന്ത്രി വി ശിവൻകുട്ടി

കോഴിക്കോട്: വിദ്യാഭ്യാസ രംഗത്ത് കാലഘട്ടത്തിനനുയോജ്യമായ മാറ്റങ്ങളും പുതുമകളും കൊണ്ടുവരേണ്ടത് അനിവാര്യമാണെന്നും അവ സാധ്യമാക്കുന്നതിൽ എല്ലാവരും ഒന്നിച്ചു പ്രവർത്തിക്കണമെന്നും വിദ്യാഭ്യാസ മന്ത്രി വി ശിവൻകുട്ടി. മർകസ് സ്കൂളുകളിലെ അഡ്മിനിസ്‌ട്രേറ്റീവ് ബ്ലോക്കുകളുടെയും നവീകരിച്ച സയൻസ് ലാബിന്റെയും സമർപ്പണ ചടങ്ങ് 'എഡ്യൂഫേസ്' ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. പാഠ്യപദ്ധതിയിലും പഠനരീതിയിലും മാത്രമല്ല, അടിസ്ഥാന സൗകര്യങ്ങളുടെ കാര്യത്തിലും മാറ്റം വേണമെന്നും അതാണിപ്പോൾ മർകസ് നിർവഹിച്ചതെന്നും മന്ത്രി പറഞ്ഞു.