/sathyam/media/agency_attachments/5VspLzgrB7PML1PH6Ix6.png)
Follow Us/sathyam/media/media_files/2025/06/05/845RDXHzrGvlP9hHoeSQ.jpg)
തിരുവനന്തപുരം: സര്ക്കാര്, എയ്ഡഡ് സ്കൂളുകളിലെ അധ്യാപക നിയമനങ്ങള്ക്കും സ്ഥാനക്കയറ്റത്തിനും കെ- ടെറ്റ് യോഗ്യത ബാധകമാക്കിയ സുപ്രീം കോടതി വിധിക്കെതിരെ പുനഃപരിശോധന ഹര്ജി നല്കി കേരളം.
കെ ടെറ്റ് നിബര്ന്ധമാക്കി പുറപ്പെടുവിച്ച സര്ക്കാര് ഉത്തരവ് മരവിപ്പിച്ചതിന് പിന്നാലെയാണ് സര്ക്കാര് ഹര്ജി നല്കിയത്.
നിലവിലെ വിധി നടപ്പിലാക്കിയാൽ 50,000-ത്തോളം അധ്യാപകരുടെ ജോലിയെ അത് ബാധിക്കാൻ സാധ്യതയുണ്ടെ്നും ദീർഘകാലമായി സേവനമനുഷ്ഠിക്കുന്ന ഇവരുടെ തൊഴിൽ സംരക്ഷിക്കേണ്ടത് അനിവാര്യമാണെന്നും കേരളം നൽകിയ ഹർജിയിൽ പറയുന്നു.
മാത്രമല്ല, കെ-ടെറ്റ് നടപ്പിലാക്കുന്നതിന് മുൻപ് സർവീസിൽ പ്രവേശിച്ചവർക്ക് അക്കാലത്ത് ഈ യോഗ്യത നേടാനുള്ള അവസരം ഉണ്ടായിരുന്നില്ല. അതിനാൽ ഇവർക്ക് വിരമിക്കൽ വരെ സേവനത്തിൽ തുടരാൻ അനുമതി നൽകണമെന്നും കേരളം സുപ്രീം കോടതിയിൽ നൽകിയ ഹർജിയിൽ അറിയിച്ചിട്ടുണ്ട്.
നെറ്റ്, സെറ്റ്, പിഎച്ചഡി തുടങ്ങിയ ഉന്നത യോഗ്യതകൾ ഉള്ള അധ്യാപകർക്ക് കെ-ടെറ്റിൽ നിന്നും സ്ഥിരമായി ഇളവ് നൽകണമെന്നപം സംസ്ഥാന സർക്കാർ ആവശ്യം ഉന്നയിച്ചിട്ടുണ്ട്.
സംസ്ഥാന സര്ക്കാരിന്റേത് ഉള്പ്പെടെ ആറ് പുനഃപരിശോധന ഹര്ജികളാണ് വിഷയത്തില് സുപ്രീം കോടതിയിലുള്ളത്. പൊതുവിദ്യാലയങ്ങളില് അഞ്ചുവര്ഷത്തിലേറെ സര്വീസുള്ള അധ്യാപകരെല്ലാം യോഗ്യതാപരീക്ഷയായ കെ ടെറ്റ് വിജയിക്കണമെന്നായിരുന്നു സുപ്രീംകോടതി വിധി.