കല്പ്പറ്റ: വയനാട് പഞ്ചാരക്കൊല്ലിയില് യുവതിയെ കൊലചെയ്ത കടുവയെ നരഭോജി കടുവയായി പ്രഖ്യാപിച്ച് സര്ക്കാര് ഉത്തരവിറക്കി.
ഉത്തരവ് പുറത്തിറങ്ങിയതോടെ കടുവയെ വെടിവെച്ച് കൊല്ലാൻ ഉത്തരവു നൽകിയെന്ന് വനംമന്ത്രി എ കെ ശശീന്ദ്രന് പറഞ്ഞു.
കടുവയെ നരഭോജിയായി പ്രഖ്യാപിക്കുന്ന സംസ്ഥാനത്തെ ആദ്യ തീരുമാനമാണെന്നും മന്ത്രി വ്യക്തമാക്കി.
വന്യജീവി ആക്രമവുമായി ബന്ധപ്പെട്ട കലക്ടറേറ്റില് നടന്ന ഉന്നതതല യോഗത്തിന് ശേഷം നടന്ന വാര്ത്താ സമ്മേളനത്തില് സംസാരിക്കുകയായിരുന്നു അദ്ദേഹം.
വന്യജീവി ആക്രമവുമായി ബന്ധപ്പെട്ട കലക്ടറേറ്റില് നടന്ന ഉന്നതതല യോഗത്തിന് ശേഷം നടന്ന വാര്ത്താ സമ്മേളനത്തില് സംസാരിക്കുകയായിരുന്നു മന്ത്രി.
പട്രോളിങിനിടെ വനം വകുപ്പ് ജീവനക്കാരനെ കടുവ ആക്രമിച്ച സാഹചര്യവും പരിഗണിച്ചാണ് നരഭോജി കടുവയെ അനുയോജ്യമായ സാഹചര്യത്തില് വെടിവയ്ക്കാന് ഉന്നതല യോഗത്തില് തീരുമാനിച്ചത്.
ആക്രമകാരിയായ വന്യമൃഗത്തെ വെടിവെക്കാന് ഉത്തരവ് ഇടുന്നത് കേരള ചരിത്രത്തിലെ ആദ്യ നടപടിയാണ്.
വന്യജീവികളുടെ ആക്രമണത്തില് മനുഷ്യനാശം സംഭവിക്കുന്ന നിരവധി സാഹചര്യങ്ങള് സംസ്ഥാനത്ത് ഉണ്ടായിട്ടുണ്ട്.
നിലവിലെ വന നിയമങ്ങളില് മാറ്റം വരുത്തേണ്ടത് അത്യാവശ്യമാണ്. വന നിയമങ്ങളും നിബന്ധനകളും മറികടക്കാനുള്ള സാധ്യതകള് പരിശോധിക്കുമെന്നും അദ്ദേഹം പറഞ്ഞു.