/sathyam/media/agency_attachments/5VspLzgrB7PML1PH6Ix6.png)
Follow Us/sathyam/media/media_files/2025/02/23/Hu4hWlCLWSFRhRz7RO74.jpg)
കണ്ണൂര്: തലശ്ശേരി മണോളിക്കാവ് ഉത്സവത്തിനിടെ പൊലീസിനെ ആക്രമിച്ച കേസില് ഒരു സിപിഎം പ്രവര്ത്തകന് കൂടി അറസ്റ്റില്. മണോളിക്കാവില് ഉത്സവത്തിനിടെ വ്യാഴാഴ്ച പുലര്ച്ചെ സംഘര്ഷം തടയുന്നതിനിടെ എസ്ഐ ഉള്പ്പെടെ പൊലീസുകാരെ സിപിഎം പ്രവര്ത്തകര് ആക്രമിച്ചിരുന്നു.
വൈകിട്ട് മണോളിക്കാവില് ഡ്യൂട്ടിയില് ഉണ്ടായിരുന്ന പൊലീസ് സംഘം കേസിലെ ഒന്നാം പ്രതിയും റൗഡി ലിസ്റ്റില് പെട്ടയാളുമായ ദിപിനെ കസ്റ്റഡിയിലെടുത്ത് പൊലീസ് വാഹനത്തില് കയറ്റി.
പിന്നാലെ, സ്ഥലത്ത് സംഘടിച്ച സിപിഎം പ്രവര്ത്തകര് ഉദ്യോഗസ്ഥരെ തടഞ്ഞു. പ്രതിയെ ബലമായി പിടിച്ചിറക്കി കൊണ്ടുപോയി. എസ്ഐ ഉള്പ്പെടെയുളളവരെ ഗേറ്റിനുള്ളില് പൂട്ടിയിട്ടു.
80 ഓളം പേര്ക്കെതിരെയാണ് ഇതുവരെ കേസെടുത്തിരിക്കുന്നത്. കുട്ടിമാക്കൂല് സ്വദേശി സഹദേവന് അടക്കം രണ്ട് പേരെയാണ് ഇതുവരെ പൊലീസിന് പിടികൂടാനായത്. ബാക്കിയുള്ളവര് ഒളിവിലാണെന്ന് പൊലീസ് പറയുന്നു.
അതേസമയം കാവില് സംഘര്ഷത്തിനിടെ തര്ക്കം പരിഹരിക്കാന് ഇടപെട്ടവരെയും പൊലീസ് കേസില് പെടുത്തിയെന്നാണ് സിപിഎം പ്രാദേശിക നേതൃത്വത്തിന്റെ വാദം.