കണ്ണൂരിലെ ഓ​ട്ടോ ഡ്രൈ​വറുടെ കൊലപാതകം ആസൂത്രിതം. പ്രതി സന്തോഷ് രാ​ധാ​കൃ​ഷ്​ണന്റെ വീട്ടിലെത്തിയത് നാടൻതോ​ക്കും ക​ത്തി​യുമായി. കൊ​ല​പാ​ത​ക​ത്തി​ലേ​ക്ക് ന​യി​ച്ചത് രാ​ധാ​കൃ​ഷ്ണ​ന്‍റെ ഭാ​ര്യ​യു​മാ​യു​ള്ള സൗ​ഹൃ​ദം വി​ല​ക്കി​യ​തിലെ ദേഷ്യം. അ​വി​വാ​ഹി​ത​നായ സന്തോഷും രാ​ധാ​കൃ​ഷ്ണ​ന്‍റെ ഭാ​ര്യ​യും സ​ഹ​പാ​ഠി​കൾ

ക​ണ്ണൂ​ർ: കൈ​ത​പ്ര​ത്ത് വെ​ടി​യേ​റ്റ് മ​രി​ച്ച ഓ​ട്ടോ ഡ്രൈ​വ​ർ രാ​ധാ​കൃ​ഷ്​ണ​ന്‍റെ നെ​ഞ്ചി​ലേ​ക്ക് വെ​ടി​യു​ണ്ട തു​ള​ച്ചു ക​യ​റി​യെ​ന്ന് പോ​സ്റ്റ് മോ​ർ​ട്ടം റി​പ്പോ​ർ​ട്ട്. നാ​ട​ൻ തോ​ക്കാ​ണ് പ്ര​തി സ​ന്തോ​ഷ് കൊ​ല​യ്ക്ക് ഉ​പ​യോ​ഗി​ച്ച​ത്.

തോ​ക്കും ക​ത്തി​യും കൈ​യി​ൽ ക​രു​തി രാ​ധാ​കൃ​ഷ്ണ​നെ കൊ​ല്ലാ​ൻ ഉ​റ​ച്ചാ​ണ് സ​ന്തോ​ഷ് എ​ത്തി​യ​ത്. വ്യാ​ഴാ​ഴ്ച രാ​വി​ലെ രാ​ധാ​കൃ​ഷ്ണ​ന്‍റെ ഫോ​ണി​ൽ വി​ളി​ച്ച് സ​ന്തോ​ഷ് ഭീ​ഷ​ണി​പ്പെ​ടു​ത്തി​യി​രു​ന്നു.

രാ​ധാ​കൃ​ഷ്ണ​ന്‍റെ ഭാ​ര്യ​യു​മാ​യു​ള്ള സൗ​ഹൃ​ദം വി​ല​ക്കി​യ​ത് പ്ര​കോ​പ​ന​മാ​യെ​ന്ന് സ​ന്തോ​ഷ് പ​റ​ഞ്ഞു. കേ​സി​ലെ പ്ര​തി​യാ​യ സ​ന്തോ​ഷും രാ​ധാ​കൃ​ഷ്ണ​ന്‍റെ ഭാ​ര്യ​യും സ​ഹ​പാ​ഠി​ക​ളാ​യി​രു​ന്നു.

കു​ടും​ബ​പ്ര​ശ്ന​ങ്ങ​ൾ മൂ​ലം രാ​ധാ​കൃ​ഷ്ണ​ന്‍റെ ഭാ​ര്യ​യും സ​ന്തോ​ഷും ത​മ്മി​ലെ സൗ​ഹൃ​ദം മു​റി​ഞ്ഞ​ത് കൊ​ല​പാ​ത​ക​ത്തി​ലേ​ക്ക് ന​യി​ച്ചു​വെ​ന്നാ​ണ് പോ​ലീ​സി​ന്‍റെ ക​ണ്ടെ​ത്ത​ൽ.

മ​രി​ച്ച രാ​ധാ​കൃ​ഷ്ണ​ൻ ബി​ജെ​പി​യു​ടെ സ​ജീ​വ പ്ര​വ​ർ​ത്ത​ക​നാ​ണ്. ഇ​യാ​ളു​ടെ ഭാ​ര്യ ബി​ജെ​പി​യു​ടെ ജി​ല്ലാ ക​മ്മി​റ്റി​യം​ഗ​മാ​ണ്. കൊ​ല​യാ​ളി​യാ​യ സ​ന്തോ​ഷ് അ​വി​വാ​ഹി​ത​നാ​ണ്. രാ​ധാ​കൃ​ഷ്ണ​നും ഭാ​ര്യ​യ്ക്കും ര​ണ്ട് മ​ക്ക​ളു​ണ്ട്.

വ്യാ​ഴാ​ഴ്ച വൈ​കി​ട്ട് ആ​റ​ര​യോ​ടെ​യാ​ണ് രാ​ധാ​കൃ​ഷ്ണ​നെ സ​ന്തോ​ഷ് കൊ​ല​പ്പെ​ടു​ത്തി​യ​ത്. നി​ർ​മാ​ണ​ത്തി​ലി​രി​ക്കു​ന്ന വീ​ട്ടി​ൽ രാ​ധാ​കൃ​ഷ്ണ​ൻ പ​തി​വാ​യെ​ത്തു​ന്ന നേ​രം നോ​ക്കി സ​ന്തോ​ഷ്‌ അ​ങ്ങോ​ട്ടേ​ക്ക് തോ​ക്കു​മാ​യി എ​ത്തി​യെ​ന്നാ​ണ് നി​ഗ​മ​നം.