ചങ്ങനാശേരി: ജൂബിലി വര്ഷത്തില് പ്രത്യാശയുടെ ഗായകരാകാനാണു ഫ്രാന്സിസ് മാര്പാപ്പ ഓരോരുത്തരെയും വ്യക്തിപരമായി ക്ഷണിക്കുന്നതെന്നു കര്ദിനാള് മാര് ജോര്ജ് ജേക്കബ് കൂവക്കാട്.
അതിരൂപതയുടെ ജൂബിലി വര്ഷാചരണ ഉദ്ഘാടനം നിര്വഹിക്കുകയായിരുന്നു കര്ദിനാള്. ചുറ്റും പ്രതിസന്ധികളും വേദനകളും യുദ്ധങ്ങളും നഷ്ടങ്ങളും നിരാശപ്പെടുത്തുന്ന ഏറെ അനുഭവങ്ങളും ഉണ്ടാകുമ്പോഴും ഉത്ഥിതനായ ഈശോ നല്കുന്ന പ്രത്യാശയുടെ, നന്മയുടെ, സ്നേഹത്തിന്റ സംഗീതം ആലപിക്കുക എന്ന വലിയ ഉത്തരവാദിത്തമാണു ജൂബിലി വര്ഷം ആവശ്യപ്പെടുന്നതെന്നും അദ്ദേഹം പറഞ്ഞു.
/sathyam/media/media_files/2024/12/29/u1Ty5ZX9yv3UOIz24VJX.jpeg)
ഇടവക തല - കുടുംബതല ഉദ്ഘാടനം
ആര്ച്ച് ബിഷപ് മാര് തോമസ് തറയില് ജൂബിലി വര്ഷ പ്രതീകമായ മാര്സ്ലീവാ പ്രതിഷ്ഠിച്ച് ജൂബിലി പ്രാര്ഥനയ്ക്കുംകുര്ബാനയ്ക്കും മുഖ്യ കാര്മികത്വം വഹിച്ചു.
മാര് ജോസഫ് പെരുന്തോട്ടം, വികാരി ജനറാള്മാരായ മോണ്. ആന്റണി ഏത്തക്കാട്, മോണ്. മാത്യൂ ചങ്ങംങ്കരി, മോണ്. സോണി തെക്കേക്കര, മോണ്. വര്ഗീസ് താനമാവു ങ്കല്, കത്തീഡ്രല് വികാരി റവ.ഡോ.ജോസ് കൊച്ചുപറമ്പില്, ജൂബിലി ജനറല് കണ്വീനര് ഫാ. ജോര്ജ് മാന്തുരുത്തില്, ചെത്തിപ്പുഴ വികാരി ഫാ. തോമസ് കല്ലുകളം സി.എം.ഐ, ഗദ്സെമിനി സുപ്പീരിയര് ഫാ. മാത്യു മുളങ്ങാശേരി, ഫാ. സ്മിത്ത് സ്രാമ്പിക്കല്, ഫാ. ടോണി കരിക്കണ്ടം, ഫാ. ജിന്റോ മുരിയങ്കരി ചിറയില്,ഫാ ജോഷി പാണംപറമ്പില്,ഫാ. ജസ്റ്റിന് കായംകുളത്തുശേരി തുടങ്ങിയവര് സഹകാര്മികരായിരുന്നു.
ജൂബിലി വര്ഷത്തിന്റെ ഇടവക തല - കുടുംബതലഉദ്ഘാടനം ജനുവരി അഞ്ചിനു അതിരൂപതയിലെ 250 ഇടവകകളിലും വികാരിമാരുടെയും ജൂബിലി സമിതിയുടെയും നേതൃത്വത്തില് ആഘോഷമായി നടക്കും.
/sathyam/media/agency_attachments/5VspLzgrB7PML1PH6Ix6.png)
Follow Us/sathyam/media/media_files/2024/12/29/vVLeOaZCsB6m13S6oqy1.jpeg)