മൂന്നര വയസ്സുള്ള കുഞ്ഞിനെ ലൈംഗികമായി പീഡിപ്പിച്ച് ഒളിവിൽ പോയ പ്രതി പിടിയിൽ. പ്രതി പിടിയിലാവുന്നത് രണ്ട് ദിവസത്തെ തിരച്ചിലിനൊടുവിൽ

കോഴിക്കോട്: മൂന്നര വയസ്സുള്ള കുഞ്ഞിനെ ലൈംഗികമായി പീഡിപ്പിച്ച ശേഷം ഒളിവിൽ പോയ പ്രതി പോലീസിന്റെ പിടിയിൽ.

പൊലീസ് ജീപ്പ് അടിച്ചു തകർത്ത കേസുൾപ്പെടെ നിരവധി കേസുകളിൽ പ്രതിയായ ബാലുശ്ശേരി അറപ്പീടിക സ്വദേശി കുളത്തീൽ മീത്തൽ അശ്വിൻ (തംബുരു-31) ആണ് പോലീസിന്റെ പിടിയിലായത്.

രണ്ട് ദിവസത്തെ തിരച്ചിലിനൊടുവിലാണ് പ്രതി പോലീസ് അറസ്റ്റ് ചെയ്യുന്നത്.  

കോടഞ്ചേരി കുപ്പായക്കോട് കൈപ്പുറത്ത് ഒളിവിൽ കഴിയവെയാണ് പ്രതിയെ ബാലുശ്ശേരി പോലീസ് അറസ്റ്റ് ചെയ്യുന്നത്.

കുഞ്ഞിനെ പീഡിപ്പിച്ച ശേഷം നാട്ടിൽ നിന്ന് മുങ്ങിയ ഇയാൾ വയനാട്, കോടഞ്ചേരി എന്നിവിടങ്ങളിൽ ഒളിവിൽ കഴിഞ്ഞുവരികയായിരുന്നുവെന്ന് പൊലീസ് പറഞ്ഞു.