/sathyam/media/agency_attachments/5VspLzgrB7PML1PH6Ix6.png)
Follow Us/sathyam/media/media_files/2025/04/04/uhnkQxRkVnFGyv14yDuc.jpg)
തിരുവനന്തപുരം: കേരളം ഭരിക്കുന്നത് ഇടതുപക്ഷ സര്ക്കാരല്ല, തീവ്രവലതുപക്ഷ സര്ക്കാരാണ്. ഫാഷിസ്റ്റ് സര്ക്കാരുകള് ലോകത്ത് എല്ലായിടത്തും ചെയ്യുന്നതു പോലെ അസഹിഷ്ണുതയോടെയാണ് എല്ലാ എതിര്പ്പുകളെയും കേരള സർക്കാർ നേരിടുന്നത് എന്ന് പ്രതിപക്ഷ നേതാവ് വി.ഡി. സതീശൻ പറഞ്ഞു.
ഒരു പാട്ട് കേട്ടാല് പോലും അസ്വസ്ഥരാകും. പാട്ട് കേള്ക്കാനുള്ള സഹിഷ്ണുത പോലും ഇല്ല എന്ന് ചൂണ്ടിക്കാട്ടിയ വി.ഡി. സതീശൻ പാട്ടിന്റെ അണിയറപ്രവര്ത്തകരെ നിയമപരമായും രാഷ്ട്രീയമായും സംരക്ഷിക്കുമെന്ന് പറഞ്ഞു.
ഇത് കേരളമാണ്. ഭരണഘടനയുടെ 19 (1) (എ) ലംഘിക്കുന്ന നടപടിയാണ് സര്ക്കാര് സ്വീകരിച്ചത്. സര്ക്കാരിനെ വിമര്ശിച്ചാല് ഇതായിരിക്കുമെന്ന് ഫാഷിസ്റ്റ് സര്ക്കാരുകള് പറയുന്നതു പോലെയാണ് പിണറായി സര്ക്കാര് പറയുന്നത്.
അയ്യപ്പന്റെ വിവാഹം മാളികപ്പുറത്ത് അമ്മയുമായി കഴിഞ്ഞെന്ന് എം. സ്വരാജ് പറഞ്ഞപ്പോള് രാജു എബ്രഹാമിന് വൃണപ്പെട്ടില്ലേ ? എന്ന് പ്രതിപക്ഷ നേതാവ് ചോദിച്ചു.
പിണറായി വിജയനും എം. സ്വരാജും സ്ത്രീപ്രവേശന കാലത്ത് നടത്തിയ പ്രസ്താവനകളൊന്നും ആര്ക്കും വൃണപ്പെട്ടില്ലേ. കെ. കരുണാകരന് എതിരെ സി.പി.എം പാരഡി ഗാനം ഉണ്ടാക്കിയപ്പോള് ഞങ്ങള് പരാതിപ്പെട്ടിട്ടില്ലല്ലോ.
അധികാരത്തിന്റെ അഹങ്കാരം ബാധിച്ച്, ആരും എതിര്ക്കാനും സംസാരിക്കാനും പ്രചരണം നടത്താനും പാടില്ലെന്ന നിലപാടാണ്. തിരഞ്ഞെടുപ്പില് തോറ്റതോടെ ഒന്നുകൂടി ഹാലിളകി. അതാണ് ഇപ്പോള് കാണുന്നത്.
കേരളം മുഴുവന് ആ പാട്ട് പാടിക്കൊണ്ടിരിക്കുകയാണ്. നല്ല കമ്മ്യൂണിസ്റ്റുകളും ഇപ്പോള് ഈ പാട്ടാണ് പാടുന്നത്. കേസ് എടുത്ത് ഭയപ്പെടുത്താന് നോക്കേണ്ട.
അയ്യപ്പന്റെ സ്വര്ണം കവര്ന്നതല്ല പ്രശ്നം, പാരഡിയാണ് പ്രശ്നം. സ്വര്ണംകവര്ന്നവരുടെ തോളില് കയ്യിട്ടുകൊണ്ടാണ് സി.പി.എം സംസാരിക്കുന്നത് എന്ന് പ്രതിപക്ഷ നേതാവ് കൂട്ടിച്ചേർത്തു.