കേരളത്തെ അപകടത്തിലാക്കിയത്   പിണറായി വിജയന്റെ 10 വർഷത്തെ ഭരണം : ബിജെപി സംസ്ഥാന സമിതി

തിരുവനന്തപുരം: സംസ്ഥാനത്ത് എൽഡിഎഫ് ഭരണത്തിനെതിരെ  ബിജെപി സംസ്ഥാന സമിതി യോഗം  പ്രമേയം പാസ്സാക്കി.

ഏഴ് പതിറ്റാണ്ടായി കേരളത്തെ തകർത്ത മുന്നണികളെ പരാജയപ്പെടുത്തി നാടിന്റെ വികസനം ബിജെപി സാധ്യമാക്കുമെന്ന് പ്രമേയത്തിൽ പറയുന്നു. പിണറായി സർക്കാരുമായി കോൺഗ്രസ് സന്ധി ചെയ്യുന്നുവെന്ന് പ്രമേയത്തിൽ വിമർശനം ഉന്നയിച്ചു.

മോദിയുടെ വികസന കാഴ്ചപ്പാടിനൊപ്പം  കേരളം മുന്നേറണമെന്ന് പ്രമേയത്തൽ ആവശ്യപ്പെടുന്നു. ദാദാസാഹിബ് ഫാൽക്കെ പുരസ്കാരം നേടിയ മോഹൻലാലിനെ അഭിനന്ദിച്ചും പ്രമേയത്തിൽ പരാമർശമുണ്ടായി. 

കേരളത്തിൽ അധികാരം പിടിച്ചെടുക്കണമെന്നും മാറി മാറി ഭരിച്ച സിപിഎമ്മും കോൺഗ്രസും പ്രചരിപ്പിക്കുന്ന നുണ പൊളിക്കണമെന്നും യോ​ഗത്തിൽ ആവശ്യപ്പെട്ടു.  

പത്ത് കൊല്ലത്തെ സിപിഎം ഭരണം അനാസ്ഥ നിറഞ്ഞതാണെന്നും, അയ്യപ്പൻമാരെ ദ്രോഹിച്ച സിപിഎം അയ്യപ്പ സംഗമം നടത്തുന്നത് വിരോധാഭാസമാണെന്നും പ്രമേയത്തിൽ ചൂണ്ടിക്കാട്ടി.

ജനങ്ങൾക്ക് വേണ്ടി ഒന്നും ചെയ്യാത്ത സിപിഎം വികസന സദസ് 
സംഘടിപ്പിക്കുന്നുവെന്നും  പ്രമേയത്തിലൂടെ ബിജെപി നേതാക്കൾ ആരോപിച്ചു.  

പാർട്ടിയെ ജയിപ്പിക്കണമെന്നും, ബിജെപി വികസിത കേരളം സൃഷ്ടിക്കുമെന്നും രാജീവ് ചന്ദ്രശേഖർ പറ‍ഞ്ഞു.