ഹേമ കമ്മിറ്റി റിപ്പോര്‍ട്ട് ചോദ്യം ചെയ്ത് നല്‍കിയ ഹര്‍ജികള്‍; ഹൈക്കോടതി ഇന്ന് പരിഗണിക്കും

കൊച്ചി: ഹേമ കമ്മിറ്റി റിപ്പോര്‍ട്ട് പുറത്തുവിടുന്നത് ചോദ്യം ചെയ്ത് നല്‍കിയ ഹര്‍ജികള്‍ ഇന്ന് ഹൈക്കോടതി പരിഗണിക്കും. നടി രഞ്ജിനിയും നടനും സംവിധായകനുമായ സജിമോന്‍ പാറയിലും നല്‍കിയ അപ്പീലുകളാണ് ഹൈക്കോടതിയുടെ പരിഗണനയിലുള്ളത്. ജസ്റ്റിസ് വിജി അരുണ്‍ അധ്യക്ഷനായ സിംഗിള്‍ ബെഞ്ചാണ് നടി രഞ്ജിനിയുടെ ഹര്‍ജി പരിഗണിക്കുന്നത്.

സ്വകാര്യതയെ ബാധിക്കുന്നതിനാല്‍ തന്റെ മൊഴി പുറത്തുവിടരുതെന്നാണ് രഞ്ജിനിയുടെ ആവശ്യം. ആക്ടിംഗ് ചീഫ് ജസ്റ്റിസ് എ മുഹമ്മദ് മുഷ്താഖ്, ജസ്റ്റിസ് എസ് മനു എന്നിവര്‍ ഉള്‍പ്പെട്ട ഡിവിഷന്‍ ബെഞ്ചാണ് സജിമോന്‍ പാറയിലിന്റെ അപ്പീല്‍ പരിഗണിക്കുന്നത്.