/sathyam/media/agency_attachments/5VspLzgrB7PML1PH6Ix6.png)
Follow Us/sathyam/media/media_files/2025/02/24/hSQO9nM4hdNun6bIwdFD.jpg)
കൊച്ചി: നടി ആക്രമിക്കപ്പെട്ട കേസില് കുറ്റക്കാരെന്ന് കണ്ടെത്തിയ ആറു പ്രതികള്ക്കുള്ള ശിക്ഷാവിധി ഇന്ന്. ഒന്നാം പ്രതി പള്സര് സുനി, മാര്ട്ടിന്, മണികണ്ഠന്, സജീഷ്, സലിം, പ്രദീപ് എന്നിവരാണ് കേസില് കുറ്റക്കാരെന്ന് കണ്ടെത്തിയ പ്രതികള്. 20 വര്ഷം വരെ തടവു ശിക്ഷ ലഭിക്കാവുന്ന കുറ്റങ്ങളാണ് തെളിഞ്ഞത്.
നടപടിക്രമങ്ങള് രാവിലെ 11ന് ആരംഭിക്കും. എറണാകുളം പ്രിന്സിപ്പല് സെഷന്സ് കോടതി ജഡ്ജി ഹണി എം.വര്ഗീസാണ് പ്രതികള്ക്കുള്ള ശിക്ഷ വിധിക്കുക.
ഇന്ത്യന് ശിക്ഷാ നിയമ പ്രകാരം (ഐപിസി) പ്രതികള് ചെയ്തതായി കോടതി കണ്ടെത്തിയ കൂട്ടബലാത്സംഗക്കുറ്റം (വകുപ്പ് 376ഡി), ഗൂഢാലോചന കുറ്റം (120ബി) ഉള്പ്പെടെ 10 കുറ്റങ്ങളാണ് ചുമത്തിയിട്ടുള്ളത്.
രാവിലെ 11ന് ജഡ്ജി കോടതി മുറിയിലെത്തിയാല് ഒന്നു മുതല് ആറു വരെ പ്രതികളായ എന്.എസ്.സുനില് കുമാര് (പള്സര് സുനി), മാര്ട്ടിന് ആന്റണി, ബി.മണികണ്ഠന്, വി.പി.വിജീഷ്, എച്ച്.സലിം (വടിവാള് സലീം), പ്രദീപ് എന്നിവരോട് പ്രതിക്കൂട്ടില് കയറി നില്ക്കാന് ആവശ്യപ്പെടും.
തുടര്ന്ന് ഓരോ വകുപ്പുകളായി പ്രതികള്ക്കെതിരെയുള്ള കുറ്റവും അതിനുള്ള ശിക്ഷയും വ്യക്തമാക്കും.
നടപടിക്രമങ്ങളുടെ ഭാഗമായി പ്രതികള്ക്ക് എന്താണ് പറയാനുള്ളതെന്ന് കോടതി കേള്ക്കും. കുറ്റകൃത്യത്തിന് നല്കുന്ന ശിക്ഷയിന്മേല് എന്താണ് പറയാനുള്ളതെന്ന് കോടതി കേള്ക്കും.