​ഗർഭിണിയായ സ്ത്രീയെ മുഖത്തടിച്ച് എസ്എച്ച്ഒ. മർദ്ദനമേറ്റത് പൊലീസ് കസ്റ്റഡിയിൽ എടുത്തയാളുടെ ഭാര്യയ്ക്ക്. സ്റ്റേഷനിലെ ദൃശ്യങ്ങൾ പുറത്ത്

കൊച്ചി: പൊലീസ് സ്റ്റേഷനിൽ ​ഗർഭിണിയായ യുവതിയെ മർദ്ദിക്കുന്നതിന്റെ സിസി‌ടിവി ദൃശ്യം പുറത്ത്. എറണാകുളം നോർത്ത് പൊലീസ് സ്റ്റേഷനിലാണ് സംഭവം. ‌

നോർത്ത് എസ്എച്ച്ഒ ആയിരുന്ന പ്രതാപ ചന്ദ്രനാണ് സ്ത്രീയുടെ മുഖത്തടിച്ചത്. ഈ ദൃശ്യമാണ് പുറത്തു വന്നത്. സ്ത്രീയെ നെഞ്ചത്ത് പിടിച്ചു തള്ളുന്നതും ദൃശ്യങ്ങളിലുണ്ട്. 

2024 ൽ നോർത്ത് പൊലീസ് സ്റ്റേഷനിലായിരുന്നു ഞെട്ടിക്കുന്ന സംഭവം ഉണ്ടായത്.

പൊലീസ് കസ്റ്റഡിയിൽ എടുത്തയാളുടെ ഭാര്യയെയാണ് മർദ്ദിച്ചത്. ​ഗർഭിണിയായ യുവതിക്ക് സ്റ്റേഷനിൽ നിന്ന് മർദ്ദനം ഏൽക്കുകയായിരുന്നു. 

മുഖത്തടിക്കുകയും പിടിച്ചു തള്ളുകയും ചെയ്തു. പിന്നീട് കോടതി ഉത്തരവിലൂടെയാണ് ദൃശ്യങ്ങൾ പരാതിക്കാരിക്ക് ലഭിച്ചത്. 

ദൃശ്യങ്ങളിൽ മർദ്ദനം വ്യക്തമാണ്. അതേസമയം, ദൃശ്യങ്ങളുടെ അടിസ്ഥാനത്തിൽ ഇതുവരേയും നടപടിയെടുത്തിട്ടില്ല.