കൊച്ചി അന്താരാഷ്ട്ര വിമാനത്താവളത്തിൽ എൻഎസ്എജിയുടെ ആന്റി-ഹൈജാക്ക് മോക് ഡ്രിൽ. യഥാർത്ഥ വിമാനത്തിൽ നടത്തിയ ആന്റി ഹൈജാക് ഡ്രില്ലിൽ 52 എൻ.എസ്.ജി കമാൻഡോകൾ പങ്കെടുത്തു. ദേശീയ സുരക്ഷാ ശ്രമങ്ങൾക്ക് പിന്തുണ നൽകാനും എല്ലാ യാത്രക്കാരുടെയും സുരക്ഷ ഉറപ്പാക്കാനും സിയാൽ പൂർണ്ണമായും പ്രതിബദ്ധമാണെന്ന് സിയാൽ എംഡി സുഹാസ്

കൊച്ചി : ഇന്ത്യയുടെ അഭിമാന സുരക്ഷാ ഏജൻസിയാ നാഷണൽ സെക്യൂരിറ്റി ഗാർഡിന്റെ വ്യോമയാന വിഭാഗം 52 സ്‌പെഷ്യൽ ആക്ഷൻ ഗ്രൂപ്പ് (എസ്.എ.ജി) കൊച്ചി അന്താരാഷ്ട്ര വിമാനത്താവളത്തിൽ സമഗ്രമായ റിയൽ-ടൈം ആന്റി-ഹൈജാക്ക് അഭ്യാസം വിജയകരമായി നടത്തി.

 യഥാർത്ഥ വിമാനത്തിൽ നടത്തിയ ആന്റി ഹൈജാക് ഡ്രില്ലിൽ 52 എൻ.എസ്.ജി കമാൻഡോകൾ പങ്കെടുത്തു.

 വിവിധ ഏജൻസി പങ്കാളിത്തത്തോടെ നടത്തിയ അഭ്യാസം ഡിസംബർ 19-ന് ആരംഭിച്ച് ഡിസംബർ 20-ന് പുലർച്ചെ അവസാനിച്ച ലൈവ് ഓപ്പറേഷനിൽ ' വ്യോമസുരക്ഷാ ഭീഷണി നിലനിൽക്കുന്ന സാഹചര്യത്തിലെ' പ്രവർത്തനസജ്ജത, പ്രതികരണ സമയം, ഏജൻസികളിലുടനീളമുള്ള ഏകോപനം, കമാൻഡ്-കൺട്രോൾ സംവിധാനങ്ങൾ എന്നിവ വിലയിരുത്തപ്പെട്ടു

 ഹൈജാക് ചെയ്യപ്പെട്ട വിമാനം കൊച്ചി അന്താരാഷ്ട്ര വിമാനത്താവളത്തിൽ ഇറങ്ങുന്നുവെന്ന സങ്കൽപ്പിത സാഹചര്യം സൃഷ്ടിച്ചു.

അതോടെ ഏറോഡ്രോം എമർജൻസി മാനേജ്‌മെന്റ് കമ്മിറ്റി ഉടൻ പ്രവർത്തനക്ഷമമായി.

തന്ത്രപരമായ തീരുമാനമെടുക്കൽ, ഏജൻസികൾ തമ്മിലുള്ള ഏകോപനം, ചർച്ചാ നടപടികൾ, മെഡിക്കൽ സജ്ജത, അടിയന്തര ആശയവിനിമയ സംവിധാനങ്ങൾ, യാത്രക്കാരുടെ സുരക്ഷ തുടങ്ങിയ എല്ലാ അടിയന്തര പ്രതികരണ നടപടികളും അഭ്യാസത്തിലൂടെ സമഗ്രമായി പരീക്ഷിച്ചു.

52 SAG, NSG ഗ്രൂപ്പ് കമാൻഡർ കേണൽ അമിത് കുമാർ അഭ്യാസത്തിന് നേതൃത്വം നൽകി. ജില്ലാ കളക്ടർ പ്രിയങ്ക ജി ഐഎഎസ്. വിമാനത്താവള ഡയറക്ടർ . ജി. മനു, 

ഡിസിപി ശ്രീ. മഹേഷ് എസ് ഐപിഎസ് എന്നിവർ വിവിധ ഏജൻസികളുടെ ഫലപ്രദമായ ഏകോപനത്തിലൂടെ തങ്ങളുടെ നടപടിക്രമ ചുമതലകൾ നിർവഹിച്ചു.

 കൊച്ചി അന്താരാഷ്ട്ര വിമാനത്താവള ലിമിറ്റഡ് , കേരള സംസ്ഥാന ഭരണകൂടം,കേരള പോലീസ്, ട്രാഫിക് പോലീസ്, സെൻട്രൽ ഇൻഡസ്ട്രിയൽ സെക്യൂരിറ്റി ഫോഴ്സ് ,ബ്യൂറോ ഓഫ് സിവിൽ ഏവിയേഷൻ സെക്യൂരിറ്റി ,എയർപോർട്‌സ് അതോറിറ്റി ഓഫ് ഇന്ത്യ,ആരോഗ്യ വകുപ്പ്, നിശ്ചിത നഗര ആശുപത്രികൾ,ഫയർ ആൻഡ് എമർജൻസി സർവീസസ്,എയർ ട്രാഫിക് കൺട്രോൾ ,ഇൻഡിഗോ എയർലൈൻസ്,ഗ്രൗണ്ട് ഹാൻഡ്‌ലിംഗ് ഏജൻസികൾ എന്നിവ ഉൾപ്പെടെ വിവിധ ഏജൻസികൾ അഭ്യാസത്തിൽ പങ്കെടുത്തു.

 'ഹൈജാക് ചെയ്യപ്പെട്ട വിമാനവുമായി ' ബന്ധം സ്ഥാപിച്ചശേഷം ആദ്യം ഹൈജാക്കർമാരുമായി ചർച്ച നടത്തി. ചർച്ചകൾ പരാജയപ്പെട്ടതായി സങ്കൽപ്പിച്ചതിന് ശേഷം സ്‌പെഷ്യൽ ആക്ഷൻ ഗ്രൂപ്പ്അതിവേഗവും കൃത്യവുമായ നിയന്ത്രിത ഓപ്പറേഷൻ ആരംഭിച്ചു.

ക്ലോസ്-ക്വാർട്ടർ യുദ്ധ സാങ്കേതികവിദ്യകൾ, വിമാനത്തിനുള്ളിലെ ഇടപെടൽ നടപടികൾ, ബന്ദികളെ രക്ഷിക്കുന്ന നൈപുണ്യങ്ങൾ എന്നിവ പരീക്ഷിക്കപ്പെട്ടു.

അഭ്യാസത്തിന് ശേഷം, എല്ലാ ഏജൻസികളുടെയും സഹകരണത്തോടെ സിയാൽ വിശദമായ അവലോകന യോഗം നടത്തി. 

മികച്ച പ്രവർത്തന രീതികളും മെച്ചപ്പെടുത്തേണ്ട മേഖലകളും രേഖപ്പെടുത്തി.

 എൻ.എസ്.ജിയുടെ നേതൃത്വത്തിൽ നടന്ന ആന്റി ഹൈജാക് ഓപ്പറേഷനിൽ ഭാഗമാകാൻ കഴിഞ്ഞത് സിയാലിന്റെ സുരക്ഷാ ക്രമീകരണങ്ങൾക്ക് ഏറെ ഗുണകരമാവുമെന്ന് മാനേജിങ് ഡയറക്ടർ എസ്.സുഹാസ് ഐ.എ.എസ് പറഞ്ഞു.

 അഭ്യാസത്തെ കുറിച്ച് പ്രതികരിച്ച സിയാൽ മാനേജിംഗ് ഡയറക്ടർ എസ്. സുഹാസ് ഐഎഎസ് 

'കൊച്ചി അന്താരാഷ്ട്ര വിമാനത്താവളത്തിൽ വ്യോമസുരക്ഷയ്ക്ക് ഏറ്റവും ഉയർന്ന പ്രാധാന്യമാണ് നൽകുന്നത്.

 ഈ റിയൽ-ടൈം ആന്റി-ഹൈജാക്ക് അഭ്യാസം നമ്മുടെ അടിയന്തര സജ്ജതയും ഏജൻസികളിടയിലെ ഏകോപനവും ശക്തമാണെന്ന് തെളിയിക്കുന്നുവെന്ന് പറഞ്ഞു.

ദേശീയ സുരക്ഷാ ശ്രമങ്ങൾക്ക് പിന്തുണ നൽകാനും എല്ലാ യാത്രക്കാരുടെയും സുരക്ഷ ഉറപ്പാക്കാനും സിയാൽ പൂർണ്ണമായും പ്രതിബദ്ധമാണ് എന്ന് സുഹാസ് കൂട്ടിച്ചേർത്തു.

 ഇന്റർനാഷണൽ സിവിൽ ഏവിയേഷൻ ഓർഗനൈസേഷൻ, ഡി.ജി.സി.എ എന്നിവയുടെ മാർഗനിർദേശങ്ങൾ പാലിച്ചുകൊണ്ടാണ് സിയാലിൽ എൻ.എസ്.ജി. ആന്റി ഹൈജാക് ഡ്രിൽ നടത്തിയത്.