എവി താമരാക്ഷൻ വീണ്ടും എൻഡിഎയിൽ ; ഇക്കുറി ജെ.എസ്.എസ് എന്ന പേരിലാണ് എൻഡിഎ പ്രവേശനം. ആഴ്ച്ചകൾക്ക് മുമ്പ് ഹിന്ദുസ്ഥാൻ ആവാം മോർച്ചയിൽ ചേർന്ന താമരാക്ഷൻ എൻഡിഎയിൽ എത്തിയത് ജെ എസ് എസ് എന്ന പേരിൽ

കൊച്ചി : മുൻ എം എൽ എ യും ആർ.എസ്.പി നേതാവുമായ എവി താമരാക്ഷൻ വീണ്ടും എൻഡിഎ യിൽ അംഗത്വമെടുത്തു.

നേരത്തെ ആർ.എസ്.പി (ബോൾഷെവിക് ) എന്ന പേരിലാണ് എൻഡിഎ യിൽ ചേർന്നതെങ്കിൽ ഇക്കുറി ജെ.എസ്.എസ് എന്ന പേരിലാണ് മുന്നണി പ്രവേശം .

കെ. ആർ ഗൗരിയമ്മ സി പി എമ്മിൽ നിന്ന് പുറത്തായപ്പോൾ രൂപം നൽകിയ ജെ.എസ്. എസ് അങ്ങനെ വീണ്ടും എൻഡിഎ യുടെ ഭാഗമായി .

നേരത്തെ ജെ.എസ്.എസ് രാജൻ ബാബു വിഭാഗവും എൻഡിഎ യിൽ ഉണ്ടായിരുന്നു.

 ഇക്കുറി എവി താമരാക്ഷൻ എൻ.ഡി.എ യിലെത്തുന്നത് ആഴ്ച്ചകൾക്ക് മുമ്പ് ഹിന്ദുസ്ഥാൻ ആവാം മോർച്ച എന്ന പാർട്ടിയിൽ ജെ.എസ്.എസിനെ ലയിപ്പിച്ച ശേഷമാണ് .

 ലയനത്തിൽ നിന്ന് പിന്മാറിയാണ് എവി താമരാക്ഷൻ ജെ.എസ്.എസിനെ എൻ ഡി എ യിലെത്തിച്ചത്.

ബീഹാറിലെ എൻ ഡി എ ഘടക കക്ഷിയായ ഹിന്ദുസ്ഥാൻ ആവാം മോർച്ച കേരളത്തിൽ മുന്നണി പ്രവേശനം കാത്ത് കഴിയുകയാണ്.