ജി എസ് റ്റി ഉദ്യോഗസ്ഥൻ ചമഞ്ഞ് തട്ടിപ്പ്. വസ്ത്ര വ്യാപാര സ്ഥാപനത്തിലെത്തി ഫൈൻ ചുമത്തുമെന്ന് ഭീഷണിപ്പെടുത്തി പണം തട്ടിയെടുത്തു. രണ്ട് പേരെ പോലീസ് അറസ്റ്റ് ചെയ്തു

കൊച്ചി : ജി എസ് റ്റി ഉദ്യോഗസ്ഥൻ ചമഞ്ഞ് ഭീഷണിപ്പെടുത്തി പണം തട്ടിയ കേസിൽ രണ്ട് പേരെ അറസ്റ്റ് ചെയ്തു.

 കോടനാട് ചെട്ടിനട പുന്നക്കാകുടി വീട്ടിൽ അനൂപ് (41), കാഞ്ഞൂർ ജംഗ്ഷൻ റോഡിൽ ചിറ്റുപറമ്പിൽ വീട്ടിൽ ജിമ്മി (52) എന്നിവരെയാണ് കോടനാട് പോലീസ് അറസ്റ്റ് ചെയ്തത്.

ഇരുവരും കഴിഞ്ഞ 25 ന് വൈകിട്ട് ഐമുറി ഭാഗത്തുള്ള വസ്ത്ര വ്യാപാര സ്ഥാപനത്തിൽ ചെല്ലുകയും, അനൂപ് ജി എസ് റ്റി ഉദ്യോഗസ്ഥനാണെന്നും പണം നൽകിയില്ലെങ്കിൽ ഫൈൻ അടപ്പിക്കും എന്ന് പറഞ്ഞ് ഭീഷണിപ്പുത്തി ആയിരം രൂപ തട്ടിയെടുക്കുകയുമായിരുന്നു.

 ഇൻസ്പെക്ടർ എ.എസ് സരിൻ ,എസ്.ഐ സി.എ സാജു, എ എസ് ഐമാരായ പി.ജെ സിജോ, മനോജ് സി.പി.ഒ നിഷാദ് എന്നിവരാണ് അന്വേഷണ സംഘത്തിലുണ്ടായിരുന്നത്.