കൊച്ചി: മലയാളികളുടെ പ്രിയപ്പെട്ട ഭാവഗായകന് യാത്രാമൊഴി. പറവൂര് പാലിയത്തെ തറവാട്ടു ശ്മാശനത്തില് പൂര്ണ ഔദ്യോഗിക ബഹുമതികളോടെ ഒന്നരയോടെയായിരുന്നു സംസ്കാരം.
മകന് ദിനനാഥാനാണ് ചിതയ്ക്ക് തീ കൊളുത്തിയത്. സർക്കാരിന്റെ ഔദ്യോഗിക ബഹുമതികളോടെയായിരുന്നു സംസ്കാരം.
ഇന്നലെ രാവിലെ പൂങ്കുന്നം തോട്ടേക്കാട് ലെയ്നിലെ വീട്ടിലും തുടര്ന്ന് ഉച്ചവരെ സംഗീതനാടക അക്കാദമി റീജനല് തിയറ്ററിലുമായിരുന്നു പൊതുദര്ശനം. അതിനുശേഷം മൃതദേഹം തിരികെ മണ്ണത്ത് വീട്ടിലെത്തിച്ചു.
പി ജയചന്ദ്രൻ പ്രാഥമിക വിദ്യാഭ്യാസം പൂർത്തിയാക്കിയ ഇരിങ്ങാലക്കുട നാഷണൽ ഹയർ സെക്കൻഡറി സ്കൂളിലെ പൊതുദർശനത്തിന് ശേഷമാണ് വീട്ടിലെത്തിച്ചത്.
പ്രതിപക്ഷ നേതാവ് വിഡി സതീശന്, ഹൈബി ഈഡന് എംപി, പ്രേംകുമാര് തുടങ്ങി നിരവധി പ്രമുഖര് സംസ്കാര ചടങ്ങില് പങ്കെടുത്തു.
മുഖ്യമന്ത്രി പിണറായി വിജയനുവേണ്ടി മന്ത്രി ആര് ബിന്ദുവും സംസ്ഥാന സര്ക്കാരിനുവേണ്ടി മന്ത്രി കെ രാജനും സാംസ്കാരിക മന്ത്രി സജി ചെറിയാനുവേണ്ടി സംഗീത നാടക അക്കാദമി സെക്രട്ടറി കരിവെള്ളൂര് മുരളിയും പുഷ്പചക്രം അര്പ്പിച്ചു.
മന്ത്രി എ കെ ശശീന്ദ്രന്, ശ്രീകുമാരന് തമ്പി, നടന് മമ്മൂട്ടി, കലാമണ്ഡലം ഗോപി, സത്യന് അന്തിക്കാട്, കമല്, സിബി മലയില്, പ്രിയനന്ദനന്, ഔസേപ്പച്ചന്, വിദ്യാധരന്, ഷിബു ചക്രവര്ത്തി, ബാലചന്ദ്ര മേനോന്, മനോജ് കെ ജയന്, എം ജി ശ്രീകുമാര് തുടങ്ങി സമൂഹത്തിന്റെ നാനാതുറകളിലുള്ളവര് ആദരാഞ്ജലിയര്പ്പിച്ചു.
/sathyam/media/agency_attachments/5VspLzgrB7PML1PH6Ix6.png)
Follow Us/sathyam/media/media_files/2025/01/11/PZ2xeaJnWbNwlHWqMQuv.jpg)