നവകേരള സദസ്സിലെ വിവാദ രക്ഷാപ്രവര്‍ത്തന പരാമര്‍ശം. പിണറായി വിജയന് സമന്‍സയക്കാന്‍ പ്രൊസിക്യൂഷന്‍ അനുമതി നേടണമെന്ന് കോടതി

കൊച്ചി: നവകേരള സദസ്സിലെ വിവാദ രക്ഷാപ്രവര്‍ത്തന പരാമര്‍ശത്തില്‍ മുഖ്യമന്ത്രി പിണറായി വിജയന് സമന്‍സയക്കാന്‍ പ്രൊസിക്യൂഷന്‍ അനുമതി നേടണമെന്ന് കോടതി. 

എറണാകുളം ഡിസിസി പ്രസിഡന്റ് മുഹമ്മദ് ഷിയാസിന്റെ സ്വകാര്യ അന്യായം പരി​ഗണിക്കവെയാണ് എറണാകുളം ചീഫ് ജുഡീഷ്യല്‍ മജിസ്ട്രേറ്റ് കോടതിയുടേതാണ് ഇടക്കാല ഉത്തരവ്. 

കേസെടുക്കണമെങ്കില്‍ ഗവര്‍ണ്ണറില്‍ നിന്ന് പ്രൊസിക്യൂഷന്‍ അനുമതി ഹാജരാക്കണം. പ്രോസിക്യൂഷന്‍ അനുമതി ഹാജരാക്കാന്‍ പരാതിക്കാരന് കോടതി നാല് മാസം സമയം നല്‍കി. 

രക്ഷാപ്രവര്‍ത്തന പരാമര്‍ശത്തില്‍ പ്രേരണാക്കുറ്റം ചുമത്തണമെന്നാണ് സ്വകാര്യ അന്യായത്തിലെ ആവശ്യം.