മൂന്നുദിവസമായി കനത്ത മഴ. നീരൊഴുക്ക്‌ വർധിച്ചതിനാൽ ഇടമലയാർ അണക്കെട്ട് നറയുന്നു. ബ്ലൂ അലർട്ട് പ്രഖ്യാപിച്ചു

കോതമംഗലം : വൃഷ്ടിപ്രദേശത്ത് മൂന്നുദിവസമായി പെയ്യുന്ന കനത്ത മഴയിൽ നീരൊഴുക്ക്‌ വർധിച്ചതിനാൽ ഇടമലയാർ അണക്കെട്ട് നിറഞ്ഞതോടെ ബ്ലൂ അലർട്ട് പ്രഖ്യാപിച്ചു. 

തിങ്കൾ രാവിലെ ജലനിരപ്പ് 162 മീറ്റർ പിന്നിട്ടതോടെയാണ്‌ മുന്നറിയിപ്പ്. 169 മീറ്റർ സംഭരണശേഷിയുള്ള അണക്കെട്ടിൽ 163.5 മീറ്ററാണ് ഇപ്പോൾ റൂൾ കർവ്. 

ജലനിരപ്പ് ഈ അളവിലെത്തിയാൽ ഷട്ടറുകൾ തുറന്ന് അധികജലം പുറത്തേക്കൊഴുക്കും. തിങ്കൾ വൈകിട്ട് വീണ്ടും ജലനിരപ്പ് ഉയർന്ന് 162.3 മീറ്ററിലെത്തി. 

ഡാമിൽ ജലനിരപ്പ് വീണ്ടും ഉയർന്നാൽ 162.5 മീറ്ററിൽ ഓറഞ്ച്, 163 മീറ്ററിൽ റെഡ് അലർട്ട്‌ എന്നിവ നൽകും. ജലസംഭരണിയിൽ മുഴുവൻസമയവും വൈദ്യുതോൽപ്പാദനവുമുണ്ട്.