കൊച്ചിയിൽ ലോറിയിൽ നിന്ന് ആസിഡ് തെറിച്ചുവീണ് ബൈക്ക് യാത്രികന് പൊള്ളലേറ്റ സംഭവം: ഉണ്ടായത് വൻ സുരക്ഷാ വീഴ്ച

കൊച്ചി: ലോറിയില്‍ നിന്ന് ആസിഡ് ദേഹത്ത് വീണ് ബൈക്ക് യാത്രികനായ യുവാവിന് ഗുരുതര പരിക്കേറ്റ സംഭവത്തിൽ ഉണ്ടായത് വൻ സുരക്ഷാവീഴ്ചയാണെന്ന് റിപ്പോർട്ട്.

കൃത്യമായി നടപടിക്രമങ്ങള്‍ പാലിച്ച് നിയമപരമായി കൊണ്ടുപോയിരുന്നെങ്കില്‍ ഇത്തരം ഒരു അപകടം ഉണ്ടാകുമായിരുന്നില്ല എന്ന് വിദഗ്ധര്‍ പറയുന്നു. ലോറിയുടെ മുകള്‍ ഭാഗം അടച്ചിരുന്നില്ലെന്നാണ് കണ്ടെത്തല്‍. 

തോപ്പുംപടി സ്വദേശി ബിനീഷിനാണ് ഗുരുതരമായി പൊള്ളലേറ്റത്. വെണ്ടുരുത്തി പാലത്തിനും തേവര ജംഗ്ഷനും ഇടയിലുള്ള ഭാഗത്ത് വെച്ച് കഴിഞ്ഞ ദിവസം രാത്രിയിലാണ് സംഭവം. 

 ലോറിയുടെ പിന്നില്‍ ബൈക്കില്‍ വരികയായിരുന്ന ബിനീഷിന്റെ ദേഹത്തേക്ക് ലോറിയില്‍ നിന്നും ആസിഡ് തെറിച്ചുവീഴുകയായിരുന്നു.

ബിനീഷിന്റെ കൈയിലാണ് കൂടുതലായും ആസിഡ് വീണിരിക്കുന്നത്. ഒപ്പം കഴുത്തിന്റെ ഭാഗത്തും പൊള്ളലേറ്റിട്ടുണ്ട്. ബിനീഷ് നിലവില്‍ എറണാകുളം ജനറല്‍ ആശുപത്രിയില്‍ ഐസിയുവിലാണ്.