തടി കഷ്ണം കൊണ്ടും ഹെൽമറ്റ് ഉപയോഗിച്ചും യുവാക്കൾക്ക് മർദ്ദനം. ആക്രമണത്തിനു പിന്നിൽ നാലം​ഗ സംഘം. മൂന്നു പേർ പിടിയിൽ

കൊല്ലം: കൊല്ലം ഓച്ചിറയിൽ ബാർ പരിസരത്ത് യുവാക്കൾക്ക് നേരെ ആക്രമണം. തടി കഷ്ണം കൊണ്ടും ഹെൽമറ്റ് ഉപയോഗിച്ചും യുവാക്കളെ നാലംഗ സംഘം മർദിക്കുകയായിരുന്നു.

കരുനാഗപ്പള്ളി സ്വദേശികളായ വിനീഷ്, ഷോബി എന്നിവർക്കാണ് മർദ്ദനമേറ്റത്. അക്രമി സംഘത്തിലുണ്ടായിരുന്ന 3 പേരെ ഓച്ചിറ പൊലീസ് പിടികൂടി.

അനന്തു, സിദ്ധാർത്ഥ്, റിനു എന്നിവരാണ് പിടിയിലായത്. ഇവർക്കൊപ്പമുണ്ടായി ഷിബു എന്ന പ്രതി ഒളിവിലാണ്. 

ഓച്ചിറ വലിയകുളങ്ങര സ്വദേശികളാണ് പ്രതികൾ. മദ്യലഹരിയിൽ ഉണ്ടായ തർക്കമാണ് ആക്രമണത്തിൽ കലാശിച്ചത്.