സി.പി.എം സംസ്ഥാന സമ്മേളനത്തിൽ ദൃശ്യാവിഷ്കാര പരിപാടിക്ക് ഇ.കെ നയനാരുടെ വേഷം ചെയ്യാൻ എത്തിയ നടൻ മരിച്ച നിലയിൽ

കൊല്ലം: സിപിഎം സംസ്ഥാന സമ്മേളനത്തിൽ ദൃശ്യാവിഷ്കാര പരിപാടിക്ക് ഇ.കെ നയനാരുടെ വേഷം ചെയ്യാൻ എത്തിയ നടനെ ഹോട്ടൽ മുറിയിൽ മരിച്ച നിലയിൽ കണ്ടെത്തി.

കണ്ണൂർ പയ്യന്നൂർ സ്വദേശി എം.മധുസൂദനനെയാണ് കൊല്ലം ന​ഗരത്തിലെ ഹോട്ടൽ മുറിയിൽ തൂങ്ങി മരിച്ച  നിലയിൽ കണ്ടെത്തിയത്. 

പ്രമോദ് പയ്യന്നൂർ ഒരുക്കുന്ന ദൃശ്യാവിഷ്കാരത്തിലെ ഇ.കെ നായനാരുടെ വേഷം ചെയ്യാനാണ് മദുസൂദനൻ കൊല്ലത്ത് എത്തിയത്. 

പരിശീലനത്തിന് വേണ്ടി സംഘാംഗങ്ങൾ ബന്ധപ്പെട്ടെങ്കിലും പ്രതികരണം ഉണ്ടായില്ല. തുടര്‍ന്ന് നടത്തിയ പരിശോധനയിലാണ് വൈകിട്ട് ഹോട്ടൽ മുറിയിൽ മൃതദേഹം കണ്ടെത്തിയത്. ആത്മഹത്യയുടെ  കാരണം വ്യക്തമല്ല.