പാരിപ്പള്ളിയിൽ ഭാര്യാ മാതാവിനെ അക്രമിച്ച ശേഷം മരുമകന്‍ വീടിന് തീവെച്ചു. ആക്രമണത്തിനു പിന്നാലെ മരുമകൻ ആത്മഹത്യയ്ക്ക് ശ്രമിച്ചു

കൊല്ലം:  മീനമ്പലത്ത് ഭാര്യാ മാതാവിനെ അക്രമിച്ച ശേഷം മരുമകന്‍ വീടിന് തീവെച്ചു. ​ഗ്യാസ് സിലിണ്ടര്‍ തുറന്നു വിട്ടാണ് വീടിന് തീയിട്ട ശേഷം മരുമകനായ മണിയപ്പന്‍ കഴുത്തും കൈ ഞരമ്പും മുറിച്ച് ആത്മഹത്യയ്ക്ക് ശ്രമിച്ചു.

ഞായറാഴ്ച രാവിലെയാണ് സംഭവം. തലയ്ക്ക് ​ഗുരുതരമായി പരിക്കേറ്റ ഭാര്യാ മാതാവ് രത്‌നമ്മ (80) പാരിപ്പള്ളി മെഡിക്കല്‍ കോളജ് ആശുപത്രിയില്‍ ചികിത്സയിലാണ്. 

മണിയപ്പന്റെ ആരോഗ്യനിലയും ഗുരുതരമാണ്. പരവൂരില്‍നിന്ന് അഗ്‌നി രക്ഷാ സേനാംഗങ്ങള്‍ എത്തിയാണ് വീട്ടിലെ തീ അണച്ചത്.