വീട്ടുവളപ്പില്‍ പച്ചക്കറികള്‍ക്കൊപ്പം കഞ്ചാവ് കൃഷിയും. രണ്ടുപേര്‍ അറസ്റ്റില്‍. 38 കഞ്ചാവ് ചെടികളാണ് എക്സൈസ് കണ്ടെത്തിയത്

കൊല്ലം:  വീട്ടുവളപ്പിൽ കഞ്ചാവ് കൃഷി നടത്തിയ രണ്ടുപേര്‍ അറസ്റ്റില്‍.ഓച്ചിറയിൽ മേമന സ്വദേശികളായ മനീഷ്, അഖിൽ കുമാർ എന്നിവരാണ് എക്സൈസിന്റെ പിടിയിലായത്.

38 കഞ്ചാവ് ചെടിയും 10.5 കിലോ ഗ്രാം കഞ്ചാവും പിടികൂടി. പച്ചക്കറി കൃഷിക്കൊപ്പമായിരുന്നു കഞ്ചാവും നട്ടുപിടിപ്പിച്ചിരുന്നത്. രണ്ടുമാസം പ്രായമായ 40 സെന്‍റീമീറ്റര്‍ നീളമെത്തിയ ചെടികളാണ് കണ്ടെത്തിയത്. 

കേസിലെ പ്രധാന പ്രതിയായ മനീഷിനെ പിടികൂടാനെത്തുമ്പോൾ നായയെ അഴിച്ചുവിട്ടിരുന്നെന്ന് പൊലീസ് പറയുന്നു. 

ഓപ്പറേഷൻ ക്ലീൻ സ്ലേറ്റ് പ്രകാരം കൊല്ലത്ത് മാർച്ച് അഞ്ചു മുതൽ ഇതുവരെ 87 കേസുകൾ രജിസ്റ്റര്‍ ചെയ്തിട്ടുണ്ടെന്ന് എക്സൈസ് ഡെപ്യൂട്ടി കമ്മീഷണർ എം നൗഷാദ് അറിയിച്ചു.