ഓണാവധിക്ക്‌ ശേഷം തിങ്കളാഴ്‌ച സംസ്ഥാനത്തെ സ്‌കൂളുകൾ തുറക്കും. സ്കൂൾ തുറന്ന് 7 ദിവസത്തിനകം ഓണപ്പരീക്ഷയുടെ ഫലം പ്രഖ്യാപിക്കും. 30 ശതമാനം മാര്‍ക്ക് ലഭിക്കാത്തവര്‍ക്ക് പഠന പിന്തുണ നൽകും. ചുമതലപ്പെട്ട എല്ലാ വിദ്യാഭ്യാസ ഉദ്യോഗസ്ഥരും വിദ്യാലയങ്ങൾ സന്ദർശിക്കുകയും പഠന പിന്തുണാ പ്രവർത്തനങ്ങൾക്ക്‌ ആവശ്യമായ അക്കാദമിക ഇടപെടലുകൾ നടത്താനും നിർദേശം

കോട്ടയം: പത്ത് ദിവസം നീണ്ട ഓണാവധിക്ക്‌ ശേഷം തിങ്കളാഴ്‌ച സംസ്ഥാനത്തെ സ്‌കൂളുകൾ തുറക്കും.

  സ്കൂൾ തുറന്ന് 7 ദിവസത്തിനകം ഓണപ്പരീക്ഷയുടെ ഫലം പ്രഖ്യാപിക്കും.

5 മുതൽ 9 വരെ ക്ലാസുകളിൽ ഓരോ വിഷയത്തിനും 30% മാർക്ക് ലഭിക്കാത്തവർക്ക് അടുത്ത മാസം രണ്ടാഴ്ച സ്പെഷൽ ക്ലാസ് നടത്തും.‌സ്‌കൂൾതല വിശകലന യോഗം ചേരും.

പൊതുവിദ്യാഭ്യാസ ഡയറക്ടർ നിർദേശിക്കുന്ന സംസ്ഥാനതല ഉദ്യോഗസ്ഥർ, ഡയറ്റ് പ്രിൻസിപ്പൽ, ഡിഡിഇ, ഡിഇഒ, സമഗ്ര ശിക്ഷാ ഡിപിസി മിഷൻ കോഓർഡിനേറ്റർ എന്നിവരടങ്ങുന്ന ജില്ലാസമിതി അതത് ജില്ലകളിൽ പഠന പിന്തുണാപ്രവർത്തനങ്ങൾക്ക് നേതൃത്വം നൽകണമെന്നും പൊതുവിദ്യാഭ്യാസ ഡയറക്‌ടർ പുറപ്പെടുവിച്ച സർക്കുലറിൽ ഉണ്ട്.

ചുമതലപ്പെട്ട എല്ലാ വിദ്യാഭ്യാസ ഉദ്യോഗസ്ഥരും വിദ്യാലയങ്ങൾ സന്ദർശിക്കുകയും പഠന പിന്തുണാ പ്രവർത്തനങ്ങൾക്ക്‌ ആവശ്യമായ അക്കാദമിക ഇടപെടലുകൾ ഡയറ്റും സമഗ്രശിക്ഷയും നടത്തണമെന്നും സർക്കുലറിൽ പറയുന്നു.