കാഞ്ഞിരപ്പള്ളി പാറത്തോട്ടിൽ സ്വകാര്യ ബസും ലോറിയും കൂട്ടിയിടിച്ചു. നിരവധി യാത്രക്കാര്‍ക്കു പരുക്ക്. അപകടത്തില്‍പ്പെട്ടത് ചങ്ങനാശേരിക്കു പോയ അമല ബസ്

കോട്ടയം: കാഞ്ഞിരപ്പള്ളി പാറത്തോട് സ്വകാര്യ ബസും ലോറിയും തമ്മില്‍ കൂട്ടിയിടിച്ചു നിരവധി യാത്രക്കാര്‍ക്ക് പരുക്ക്. ചങ്ങനാശേരിക്കു പോയ അമല ബസാണ് അപകടത്തില്‍പ്പെട്ടത്.

ഇന്നു വൈകിട്ട് നാലുമണിയോടെ പാറത്തോട് പഞ്ചായത്തിനു സമീപമുള്ള വളവിലായിരുന്നു അപകടം. വളവില്‍ വെച്ച് അമല ബസും മുണ്ടക്കയം ഭാഗത്തു നിന്നും വന്ന ലോറിയും തമ്മില്‍ കൂട്ടിയിടിക്കുകയായിരുന്നു.

ലോറിയുടെ മധ്യഭാഗത്തായാണ് ബസ് ഇടിച്ചത്. ബസിന്റെ മുന്‍ഭാഗം തര്‍ന്നു. അപകടത്തില്‍ പരുക്കേറ്റ ബസ് യാത്രക്കാരെ 26 -ാം മൈലിലെ സ്വകാര്യ ആശുപത്രിയില്‍ പ്രവേശിപ്പിച്ചു.

അപകടത്തെ തുടര്‍ന്നു റോഡില്‍ ഗതാഗതം തടസപ്പെട്ടു. പോലീസ് എത്തി ഗതാഗതം നിയന്ത്രിക്കുകയായിരുന്നു.