കോട്ടയം പൂവൻതുരുത്തിൽ യന്ത്രത്തിനിടയിൽ കുടുങ്ങി ഇതര സംസ്ഥാന തൊഴിലാളിയ്ക്ക് ദാരുണാന്ത്യം. മരിച്ചത് അസം സ്വദേശി. അഗ്നിരക്ഷാ സേനാ സംഘം രക്ഷാപ്രവർത്തനം നടത്തി യുവാവിനെ ജില്ലാ ജനറൽ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല

കോട്ടയം: പൂവൻതുരുത്ത് വ്യവസായ മേഖലയിൽ യന്ത്രത്തിനിടയിൽ കൈകുടുങ്ങി ഇതര സംസ്ഥാന തൊഴിലാളിയ്ക്ക് ദാരുണാന്ത്യം.

അസം സ്വദേശി ബാബുൾ ദാസി(28)നാണ് മരണം സംഭവിച്ചത്.

പൂവൻതുരുത്ത് വ്യവസായ മേഖലയിലെ എസ്.പി. ഇൻഡസ്ട്രീസിലെ ജീവനക്കാരനാണ്.

ഇന്ന് പുലർച്ചെ ആറരയോടെയായിരുന്നു സംഭവം. ഇന്ന് പുലർച്ചെ ഇവിടെ ജോലി ചെയ്യുന്നതിനിടെ ഇദ്ദേഹത്തിന്റെ കൈ യന്ത്രത്തിൽ കുടുങ്ങുകയായിരുന്നു.

തുടർന്ന് ഇദ്ദേഹം നിലവിളിച്ചത് കേട്ട് ഒപ്പമുണ്ടായിരുന്ന ജീവനക്കാർ വിവരം കോട്ടയം അഗ്നിരക്ഷാ സേനാ യൂണിറ്റ് സംഘത്തെ അറിയിച്ചു.

അഗ്നിരക്ഷാ സേനാ സംഘം സ്ഥലത്ത് എത്തി രക്ഷാപ്രവർത്തനം നടത്തി യുവാവിനെ ജില്ലാ ജനറൽ ആശുപത്രിയിൽ എത്തിച്ചു.

 അപ്പോഴേയ്ക്കും മരണം സംഭവിച്ചു. മൃതദേഹം ജില്ലാ ജനറൽ ആശുപത്രി മോർച്ചറിയിൽ.