ചാനൽ ചർച്ചയിൽ വിദ്വേഷ പരാമർശം. പി സി ജോർജിനെതിരെ കേസെടുത്ത് പോലീസ്. യൂത്ത് ലീഗിന്‍റെ പരാതിയിലാണ് കേസെടുത്തത്

കോട്ടയം: വിദ്വേഷ പരാമർശം വിവാദമായതിനെത്തുടർന്ന് പി സി ജോർജിനെതിരെ കേസെടുത്തു. ഈരാറ്റുപേട്ട പൊലീസാണ് കേസെടുത്തത്. മതസ്പർദ്ധ വളർത്തൽ, കലാപ ആഹ്വാനം തുടങ്ങിയ വകുപ്പുകൾ ചുമത്തിയാണ് കേസ്. 

ചാനൽ ചർച്ചയിലെ വിദ്വേഷ പരാമർശത്തിലാണ് നടപടി. യൂത്ത് ലീഗിന്‍റെ പരാതിയിലാണ് പോലീസ് കേസെടുത്തത്.

പി സി ജോർജിൻ്റെ പരാമർശത്തിൽ വ്യാപകമായി വിമർശനം ഉയർന്നിരുന്നു. പരാതി കൊടുത്ത് നാലുദിവസം കഴിഞ്ഞാണ് പി സി ജോർജിനെതിരെ കേസെടുക്കാൻ പോലീസ് തയ്യാറായത്. കഴിഞ്ഞ അഞ്ചാം തീയതിയാണ് ചാനൽ ചർച്ചയിൽ പി സി ജോർജ് വിവാദ പരാമർശം നടത്തിയത്.