ടിപ്പറിൻ്റെ ടയര്‍ മാറുന്നതിനിടയില്‍ ഹൈഡ്രോളിക് ജാക്കി ഉയര്‍ന്നത് വൈദ്യുതി ലൈനില്‍ തട്ടി യുവാവിനു ദാരുണാന്ത്യം. മരിച്ചതു മാമ്പുഴക്കേരി സ്വദേശി. ഷോക്കേറ്റ ഉടനെ സമീപത്തെ സ്വകാര്യ ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാനായില്ല

ചങ്ങനാശേരി: ടിപ്പര്‍ ലോറിയുടെ ടയര്‍ മാറുന്നതിനിടയില്‍ ടിപ്പറിന്റെ ഹൈഡ്രോളിക് ജാക്കി ഉയര്‍ന്ന് വൈദ്യുതി ലൈനില്‍ തട്ടി യുവാവിനു ദാരുണാന്ത്യം. മാമ്പുഴക്കേരി നെടിയകാലപറമ്പില്‍ രാജുവിന്റെയും സാന്റിയുടെയും മകന്‍ സിജോ രാജുവാണു മരിച്ചത്.

ചങ്ങനാശേരി ബൈപ്പാസില്‍ സൗപര്‍ണിക ഫ്‌ലാറ്റിനു സമീപം രാവിലെ 10: 30 ഓടെയാണ് അപകടം ഉണ്ടായത്. ഷോക്കേറ്റ ഉടനെ സിജോയെ സമീപത്തെ സ്വകാര്യ ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാനായില്ല.

കഴിഞ്ഞ 10 വര്‍ഷമായി സിജോ ഈ സ്ഥാപനത്തില്‍ ജോലി ചെയ്തു വരികയായിരുന്നു. ഷിജോ, സിന്റോ സഹോദരങ്ങളാണ്. ചങ്ങനാശേരി പോലീസ് സ്ഥലത്തെത്തി തുടര്‍നടപടികള്‍ സ്വീകരിച്ചു.