നാട്ടകം ഗസ്റ്റ് ഹൗസിനു സമീപം വീട്ടുമുറ്റത്തിരുന്ന ബൈക്ക് മോഷ്ടിക്കാൻ ശ്രമിച്ച ഇതര സംസ്ഥാന തൊഴിലാളിയെ നാട്ടുകാർ പിടികൂടി പോലീസിനു കൈമാറി. മോഷണം പൊളിഞ്ഞത് ബൈക്ക് മോഷ്ടിക്കുന്ന സിസിടിവി ദൃശ്യങ്ങൾ വീട്ടുകാർ കണ്ടതോടെ. പിന്നാലെ വീട്ടുകാരും നാട്ടുകാരും  ചേർന്നു മോഷ്ടാവിനെ പിടികൂടുകയായിരുന്നു

കോട്ടയം: നാട്ടകം ഗസ്റ്റ് ഹൗസിനു സമീപം വീട്ടുമുറ്റത്തിരുന്ന ബൈക്ക് മോഷ്ടിക്കാൻ ശ്രമിച്ച ഇതര സംസ്ഥാന തൊഴിലാളിയെ നാട്ടുകാർ പിടികൂടി പോലീസിനു കൈമാറി.

ഗസ്റ്റ് ഹൗസിനു സമീപം പുന്നയ്ക്കൽ ചുങ്കത്തെ റോഡരികിലെ എലുമ്പിലാശേരി വീട്ടുമുറ്റത്തിരുന്ന ബൈക്കാണ് മോഷ്ടാവ് എടുത്തുകൊണ്ടു പോകാൻ ശ്രമിച്ചത്. സിസിടിവി ക്യാമറയിൽ ദൃശ്യങ്ങൾ കണ്ടതോടെ വീട്ടുകാർ പുറത്തേക്ക് ഓടി വന്നു.

വിവരം അറിഞ്ഞ്  നാട്ടുകാരും ഒപ്പം കൂടി മോഷ്ടാവിനെ പിടികൂടി. തുടർന്ന് ഇയാളെ ഈസ്റ്റ് പോലീസിനു കൈമാറി. ഇയാൾ അസം സ്വദേശിയാണ് എന്നാണ് ലഭിക്കുന്ന വിവരം.

കോട്ടയം നാട്ടകം ഗസ്റ്റ് ഹൗസ്, മൂലവട്ടം, ദിവാൻകവല, മെഡിക്കൽ കോളജ് പ്രദേശങ്ങളിൽ കഴിഞ്ഞ ദിവസങ്ങളിൽ വ്യാപകമായി ബൈക്കുകൾ മോഷണം പോയിരുന്നു.