/sathyam/media/agency_attachments/5VspLzgrB7PML1PH6Ix6.png)
Follow Us/sathyam/media/media_files/2025/07/31/mg-university-2025-07-31-18-47-26.jpg)
കോട്ടയം: ട്രാന്‍സ് ജെന്‍ഡര്‍ വിദ്യാര്‍ഥികള്‍ക്കായുള്ള സംസ്ഥാനത്തെ ആദ്യത്തെ സര്‍വകലാശാലാ ഹോസ്റ്റല്‍ എംജിയില്‍. മഹാത്മാ ഗാന്ധി സര്‍വകലാശാലാ കാമ്പസില്‍ പുതിയതായി നിര്‍മിച്ച ഹോസ്റ്റലുകളുടെ ഉദ്ഘാടനവും ഇന്റര്‍നാഷണല്‍ സ്റ്റുഡന്റ്‌സ് ഹോസ്റ്റലിന്റെ നിര്‍മാണോദ്ഘാടനവും തിങ്കളാഴ്ച നടക്കും.
സംസ്ഥാന സര്‍ക്കാരിന്റെ 2024-2025 വാര്‍ഷിക പദ്ധതിയില്‍ ഉള്‍പ്പെടുത്തി 57 ലക്ഷം രൂപ ചെലവഴിച്ചാണ് നിള ഹോസ്റ്റലിന്റെ മുകള്‍ നിലയില്‍ എക്സ്റ്റന്‍ഷന്‍ ബ്ലോക്ക് ഒരുക്കിയത്. 13.67 ലക്ഷം രൂപ ചെലവിട്ടാണ് ട്രാന്‍സ് ജെന്‍ഡര്‍ വിദ്യാര്‍ഥികള്‍ക്കായി ഹോസ്റ്റല്‍ സജ്ജീകരിച്ചത്.
വിദേശ രാജ്യങ്ങളില്‍നിന്നുള്ള വിദ്യാര്‍ഥികള്‍ക്കും സര്‍വകലാശാലയിലെ മറ്റു വിദ്യാര്‍ഥികള്‍ക്കും താമസിക്കുന്നതിനായി കിഫ്ബിയില്‍നിന്നും അനുവദിച്ച തുക വിനിയോഗിച്ചാണ് ഇന്റര്‍നാഷണല്‍ സ്റ്റുഡന്റ്‌സ് ഹോസ്റ്റല്‍ മന്ദിരം നിര്‍മിക്കുന്നത്. അടുത്ത വര്‍ഷം മാര്‍ച്ചില്‍ നിര്‍മ്മാണം പൂര്‍ത്തീകരിക്കാനാണു ലക്ഷ്യമിടുന്നത്.
ഉച്ചകഴിഞ്ഞ് 2.30ന് സര്‍വകലാശാലാ അസംബ്ലി ഹാളില്‍ ഉന്നത വിദ്യാഭ്യാസ മന്ത്രി ഡോ. ആര്‍. ബിന്ദു ഉദ്ഘാടനം ചെയ്യുന്ന ചടങ്ങില്‍ മന്ത്രി വി.എന്‍. വാസവന്‍ അധ്യക്ഷത വഹിക്കും.
സംസ്ഥാനത്ത് ആദ്യമായി ട്രാന്‍സ് ജെന്‍ഡര്‍ വിദ്യാര്‍ഥികള്‍ക്കായി നിര്‍മ്മിച്ച സര്‍വകലാശാലാ ഹോസ്റ്റലിന്റെ ഉദ്ഘാടനവും 34.9 കോടി രൂപ ചെലവിടുന്ന ഇന്റര്‍നാഷണല്‍ സ്റ്റുഡന്റ്‌സ് ഹോസ്റ്റലിന്റെ നിര്‍മ്മാണോദ്ഘാടനവും ഉന്നത വിദ്യാഭ്യാസ മന്ത്രി നിര്‍വഹിക്കും.
നിലവിലുള്ള നിള സ്റ്റുഡന്റ്‌സ് ഹോസ്റ്റലിന്റെ മുകള്‍ നിലയില്‍ 80 വിദ്യാര്‍ഥികള്‍ക്കു താമസിക്കുന്നതിനുള്ള സൗകര്യങ്ങളോടെ സജ്ജീകരിച്ച എക്സ്റ്റന്‍ഷന്‍ ബ്ലോക്ക് മന്ത്രി വി.എന്‍ വാസവന്‍ ഉദ്ഘാടനം ചെയ്യും.