കോഴിക്കോട്ട് അങ്കണവാടി അധ്യാപിക നാല് വയസുകാരനെ മർദിച്ചതായി പരാതി

കോഴിക്കോട്: അങ്കണവാടി അധ്യാപിക നാല് വയസുകാരനെ മർദിച്ചതായി പരാതി. മാറാട് കൈതവളപ്പ് ഭാവന അങ്കണവാടി അധ്യാപികക്കെതിരെയാണ് രക്ഷിതാക്കളുടെ പരാതി.

ഷനൂബ്- ശിൽപ ദമ്പതികളുടെ മകനെ അധ്യാപികയായ ശ്രീകല സ്റ്റീൽ സ്കെയില്‍ കൊണ്ട് മർദിച്ചെന്നാണ് പരാതി.

 രക്ഷിതാക്കൾ മാറാട് പൊലീസിലും ഐസിഡിഎസിലും പരാതി നൽകി.

അതേസമയം, കുട്ടിയെ മർദിച്ചിട്ടില്ലെന്നാണ് അധ്യാപികയുടെ വിശദീകരണം. ഈ അധ്യാപകക്കെതിരെ മറ്റു രക്ഷിതാക്കളും പരാതിയുമായി രംഗത്ത് വന്നിട്ടുണ്ട്.